ʻO le Faʻaliliutusi (poʻo le faʻamatalaʻupu foʻi) e lē ʻo se mea faigōfie. E aofia i le faʻaliliutusi vāega tāua e pei o gagana e lua e tutusa o lā mālolosi, loloto ma le poto lautele, ʻaemaise lava le silafia loloto o tū ma aga a lalolagi o gagana ia e lua. ʻO le vāega lea mulimuli o aganuʻu poʻo tū ma aga, e tele faʻafītāuli e tūlaʻi mai ai. ʻAe ʻo le isi foʻi itū, ʻo tagata e mālolosi ʻuma a lātou gagana e lua faʻapēnā foʻi lo lātou lelei i tū ma aga poʻo aganuʻu foʻi a gagana ia e lua, ʻo latou nei e mafai ona faʻaliliu mai i le isi gagana i le isi gagana e aunoa ma ni faʻafītāuli e tele. ʻAe ui lava i lea, e faʻamālosiʻau atu ʻina ʻia ʻaua le fefe, ʻae taumafai, ʻae ʻo le mea tāua, tusa lava pē lelei i gagana e lua, ʻina ʻia taumulimuli i ni alafua aogā e ʻāmata ai. Muamua,ʻo se tasi e fia faʻaliliu mai i le gagana Samoa i le gagana ʻIgilisi, e tatau lava ona lelei lana gagana faʻaperetānia poʻo le ʻIgilisi; lona lua, e tatau ona iai ni ana tusi poʻo ni alagāʻoa lelei silisili e tua ʻi ai ʻauā le saʻiliga o faʻamālamalamaga o konisepi poʻo manatu poʻo talitonuga faʻavae,faʻaʻupuga mmf (ma isi mea faʻapēnā) e manaʻomia lo latou faʻamālamalamaina. ʻUa naʻo ni vāega ʻāmata nei o le tomai poʻo gāluega faʻaliliutusi............
E iai ni Falema'i e lua i Samoa, ma le tasi i Amerika Samoa. 'O le falema'i i Upolu e maua i le nu'u o Moto'otua, 'a'o le falema'i i Savai'i e maua i le nu'u o Tuasivi. 'O le falema'i i Amerika Samoa, 'ua ta'ua o le Lyndon B. Johnson Tropical Medical Center 'olo'o maua i le nu'u o Faga'alu i le motu o Tutuila.
'O le ta'aloga o le Tenisi e to'alua tagata e mafai ona ta'a'alo ai i le taimi e tasi. E fa'aaoga le lake (raquet)ma le polo tenisi e ta i le lake. 'O lenei ta'aloga, e fai i fafo i se malae 'ua ta'ua 'o le malae tenisi. E mafai fo'i ona faia lenei ta'aloga i totonu o se fale tele e fau ai se malae tenisi.
'O le Saikolosi, 'o se tasi fo'i lea o matā'upu e su'esu'eina i a'oa'oga i aso nei. 'O ā'oga tūlaga tolu e pei o se iunivesite e a'oa'oina ai lenei matā'upu, ma e fa'asino lea matā'upu i le māfaufau. 'O se 'upu e sau ma le 'upu Peretānia 'o le psychology, ma 'o lona uiga 'o le su'esu'ega o le māfaumafu o le tagata ma ona fa'agāoioiga 'aemaise o lana vāega e a'afia ai i le tuputupu a'e a le tagata ola, ma aga ma tū e na te a'oa'oina e fa'aaogā ai lona māfaufau.
Faʻatomuaga
ʻO lenei nofoaga ʻua faʻatautaia mo tagata e tautatala i le Gagana SāmoaWikipedia poʻo tagata foʻi ʻoloʻo fia aʻoaʻoina le gagana Sāmoa.
ʻAfai e loloto lou mālamalama i le Gagana Sāmoa, e mafai lava ona ʻe suia isi ʻupu ma feasoasoani i le faʻaʻupuina ma le teuteuga o matāʻupu e faʻatalanoaina i totonu o lenei nofoaga poʻo le potu.
Mo se faʻamatalaga i le faʻatinoina o le Wikipedia,poʻo le poroketi Wikipedia vaʻai le nofoaga poʻo le potu www.wikipedia.org
Faʻamolemole vaʻai ʻupu lanumūmū, ʻoloʻo manaʻomia ai lau fesoasoani mo sau faʻamatalaga (poʻo se faʻaliliuga foʻi) o nei matāʻupu.
