Pagkamoot

An pagkamoot (Ingles: love) iyo igwa nin kadakul na kahulugan gikan sa nagkapirang bagay na nagtatao nin kadikit na kaogmahan ("nagustuhan an sarong pelikula") sagkod sa pagdusay nin buhay (pagkabayani). Mapupwedeng an sarong makuring namamatean nin paghiling an kahulugan kaini, sarong emosyon o nasa estado kan emosyon. Sa pangkaraniwan na gamit, parating nagtutukoy ini sa puppy love o interpersonal na pagkamoot. Posibleng sa dakulang kinaaraman kaini sa sikolohiya, karaniwan na tema ini sa arte. Igwang osipon na pagkamoot an kadaklan sa modernong mga pelikula asin dapit man sa pagkamoot an kadaklan sa mga kantang bantog o musikang pop.

Sa relihiyon, partikular na sa Kristianismo, an pagkamoot an pinakadakulang balaog o regalo nin Diyos sa tawo; sosog sa Bibliya mayong tawo an nabubuhay nin mayong pagkamoot.

Sarong tamboan an artikulong ini. Makakatabang ka sa Wikipedia sa pagpoon kaining pahina.

Mga Kahulugan

An pilosopo na si Gottfried Leibniz nagsabi na an pagkamoot iyo an "maogma sa kaogmahan nin iba." Pigsabi ni Meher Baba na sa pagkamoot igwa nin "pagmati nin pagkasararo" asin "aktibong pag-apresyar kan intrinsic na halaga kan bagay na namomotan." ^[1] An biologo na si Jeremy Griffith tinatawan nin kahulugan an pagkamoot bilang "daing kondisyon na pagigin daing kaimotan". ^[2] Susog ki Ambrose Bierce, an pagkamoot sarong temporaryong pagkabuang na mabubulong sa paagi nin pag-agom.

↑ Baba, Meher (1995). Discourses. Myrtle Beach: Sheriar Press. p. 113. ISBN 978-1-880619-09-4.
↑ Griffith, Jeremy (2011). "What is love?". The Book of Real Answers to Everything!. ISBN 978-1-74129-007-3. Archived from the original on 16 January 2013.

[1] Baba, Meher (1995). Discourses. Myrtle Beach: Sheriar Press. p. 113. ISBN 978-1-880619-09-4.

[2] Griffith, Jeremy (2011). "What is love?". The Book of Real Answers to Everything!. ISBN 978-1-74129-007-3. Archived from the original on 16 January 2013.

[1]

[2]