1. apríl

„1. apríl“ getur einnig átt við kvikmyndina 1 apríll.

Mar – Apríl – Maí
Su	Má	Þr	Mi	Fi	Fö	La
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30
2026 Allir dagar

1. apríl er 91. dagur ársins (92. á hlaupári) samkvæmt gregoríska tímatalinu. 274 dagar eru eftir af árinu.

Atburðir

• 457 - Hershöfðinginn Majoríanus var hylltur vestrómverskur keisari af hermönnum sínum eftir sigur á Alemönnum við Maggiore-vatn.
• 1240 - Hákon ungi Hákonarson var krýndur meðkonungur föður síns í Noregi.
• 1340 - Niels Ebbesen drap Geirharð 3. hertoga af Holtsetalandi í Randers.
• 1605 - Alessandro Ottaviano de'Medici varð Leó 11. páfi.
• 1621 - Íbúar Plymouth-nýlendunnar gerðu sinn fyrsta samning við indíána.
• 1807 - Trampe stiftamtmaður setti reglugerð um brunavarnir í Reykjavík. Bannað var að reykja pípu innanhúss og nálægt eldfimum efnum.
• 1855 - Einkaréttur Dana til verslunar á Íslandi var aflagður og máttu Íslendingar eftir það versla við allar þjóðir.
• 1867 - Fyrsta nemendafélag Menntaskólans í Reykjavík, Bandamannafélagið, var stofnað.
• 1871 - Fjárhagur Íslands og Danmerkur var aðskilinn og íslensk króna varð til.
• 1873 - Hilmar Finsen varð fyrsti landshöfðingi Íslands. Hann var áður stiftamtmaður en síðar borgarstjóri í Kaupmannahöfn.
• 1891 - Wrigley-fyrirtækið var stofnað í Chicago í Bandaríkjunum.
• 1896 - Álafoss hóf ullarvinnslu.
• 1905 - Gullæðið í Reykjavík hófst þegar fullyrt var um gullfund í Vatnsmýri.
• 1924 - Adolf Hitler var dæmdur í fimm ára fangelsi fyrir þátttöku sína í valdaránstilraun í München árið 1923. Hann sat þó aðeins inni í níu mánuði.
• 1936 - Alþýðutryggingalög gengu í gildi á Íslandi.
• 1955 - Hátíðahöld til að minnast aldarafmælis frjálsrar verslunar fóru fram á Íslandi.
• 1955 - Aprílgabb birtist í Tímanum um væntanlegan fund æðstu ráðamanna heims í Reykjavík. Slíkur fundur varð ekki á dagskrá fyrr en 31 og hálfu ári síðar, 10. október 1986.
• 1965 - Stór-Lundúnasvæðið var formlega skipulagt sem sýsla á Englandi.
• 1970 - Richard Nixon undirritaði Public Health Cigarette Smoking Act sem bannaði sígarettuauglýsingar í sjónvarpi.
• 1976 - Tölvufyrirtækið Apple var stofnað af Steve Jobs, Steve Wozniak og Ronald Wayne.
• 1976 - Postverk Føroya tók við póstþjónustu í Færeyjum af Post- og Telegrafvæsnet.
• 1976 - Opinbera lestarfyrirtækið Conrail var stofnað í Bandaríkjunum til að taka við rekstri 13 gjaldþrota járnbrauta.
• 1979 - Barnastöðin Pinwheel Network breytti nafni sínu í Nickleodeon og hóf útsendingar á ýmsum kapalkerfum Warner.
• 1979 - Austurrískir lögreglumenn handtóku lærlinginn Andreas Mihavecz, lokuðu hann inni í fangaklefa og gleymdu honum svo. Hann fannst aftur fyrir tilviljun 17 dögum síðar og hafði lifað af með því að sleikja raka af veggjum klefans.
• 1981 - Íslenska hljómsveitin Grýlurnar var stofnuð.
• 1981 - Sumartími var tekinn upp í Sovétríkjunum.
• 1984 - Marvin Gaye, söngvari, var skotinn til bana af föður sínum.
• 1984 - Kringvarp Føroya hóf sjónvarpsútsendingar.
• 1986 - Sector Kanda: Kommúnistar í Nepal reyndu valdarán með því að ráðast á lögreglustöðvar í Katmandú.
• 1987 - Taílensk-austurríski orkudrykkurinn Red Bull kom á markað í Austurríki.
• 1990 - Seyðisfjarðarkaupstaður og Seyðisfjarðarhreppur vou sameinaðir undir merkjum Seyðsfjarðarkaupstaðar.
• 1991 - Bandaríska sjónvarpsstöðin Comedy Central hóf göngu sína í kapalkerfi.
• 1992 - Blóðbaðið í Bijeljina hófst þegar vopnaðir serbneskir hópar hófu að myrða óbreytta borgara í Bijeljina í Bosníu.
• 1995 - Dialog Telekom hóf rekstur fyrsta GSM-nets Srí Lanka.
• 1996 - Sveitarfélagið Halifax var myndað úr fjórum eldri sveitarfélögum.
• 1997 - Hale-Bopp-halastjarnan náði sólnánd.
• 1997 - Teiknimyndaþættirnir Pokémon hófu göngu sína á TV Tokyo.
• 1997 - Borgarhverfið Užupis í Vilnius lýsti yfir sjálfstæði sem „lýðveldið Užupis“.
• 1998 - Vefmiðillinn Vísir stofnaður.
• 1999 - Kanadíska fylkið Nunavut varð til úr austurhluta Norðvesturhéraðanna.
• 2000 - Siglingamiðstöðin Weymouth and Portland National Sailing Academy var opnuð.
• 2001 - Slobodan Milošević, fyrrverandi forseti Júgóslavíu gaf sig fram við sérsveitir lögreglu.
• 2001 - Flugslysið á Hainan: Bandarísk njósnaflugvél lenti í árekstri við kínverska orrustuflugvél. Kínverski flugmaðurinn fannst aldrei en 10 manna áhöfn bandarísku flugvélarinnar nauðlenti í Kína, var handtekin og haldið í 10 daga.
• 2001 - Hjónabönd samkynhneigðra voru heimiluð með nýjum lögum í Hollandi.
• 2002 - Holland lögleiddi aðstoð við sjálfsvíg fyrst landa.
• 2007 - Íslenska fjarskiptafyrirtækið Míla ehf var stofnað.
• 2008 - Stærsta rán í sögu Danmerkur var framið í peningageymslu í Glostrup. Ræningjarnir komust undan með 62 milljónir.
• 2009 – Albanía og Króatía gengu í NATÓ.

• 2012 - Flokkur Aung San Suu Kyi, Lýðræðisbandalagið, vann meirihluta lausra þingsæta í aukakosningum í Mjanmar.
• 2017 - Mocoa-skriðan: Yfir 300 fórust í skriðum í Kólumbíu.
• 2020 – Ríkisstjórn Jemen lét lausa yfir 470 fanga vegna ótta við útbreiðslu COVID-19 í fangelsum landsins.
• 2022 - Forseti Srí Lanka, Gotabaya Rajapaksa, lýsti yfir neyðarástandi eftir víðtæk mótmæli vegna bágs efnahagsástands.
• 2023 - Aðalvídeóleigan, síðasta vídeóleigan með VHS og DVD á Íslandi, hætti starfsemi.
• 2024 - Þýskaland lögleiddi einkaneyslu á 25 grömmum á kannabis.
• 2025 - Eldgosin við Sundhnúksgíga: Lítið eldgos hófst suðaustan við fjallið Þorbjörn norðan Grindavíkur. Það hófst um morguninn en var lokið um kvöldið.

Fædd

• 1545 - Peder Claussøn Friis, norskur fornfræðingur (d. 1614).
• 1640 - Georg Mohr, danskur stærðfræðingur (d. 1697).
• 1755 - Jean Anthelme Brillat-Savarin, franskur matmaður (d. 1826).
• 1815 - Otto von Bismarck, stjórnmálamaður (d. 1898).
• 1873 - Sergei Rachmaninoff, tónskáld, píanóleikari og stjórnandi (d. 1943).
• 1920 - Toshirō Mifune, japanskur leikari (d. 1997).
• 1920 - Hjörtur Eldjárn Þórarinsson, íslenskur bóndi á Tjörn í Svarfaðardal (d. 1996).
• 1929 - Milan Kundera, tékkneskur rithöfundur.
• 1930 - Ásta Sigurðardóttir, íslenskur rithöfundur (d. 1971).
• 1932 - Debbie Reynolds, bandarísk leikkona (d. 2016).
• 1940 - Wangari Maathai, kenískur líffræðingur (d. 2011).
• 1949 - Gil Scott-Heron, bandarískur tónlistarmaður (d. 2011).
• 1949 - Paul Manafort, bandarískur stjórnmálamaður.
• 1950 - Samuel Alito, bandarískur hæstaréttardómari.
• 1958 - Milton Queiroz da Paixão, brasilískur knattspyrnumaður.
• 1961 - Susan Boyle, skosk söngkona.
• 1963 - Joe Wright, bandarískur körfuknattleiksmaður.
• 1968 - Alexander Stubb, finnskur stjórnmálamaður.
• 1971 - Method Man, bandarískur tónlistarmaður.
• 1972 - Björn Höcke, þýskur stjórnmálamaður.
• 1975 - Washington Stecanela Cerqueira, brasilískur knattspyrnumaður.
• 1979 - Ivano Balić, króatískur handknattleiksmaður.
• 1980 - Teitur Björn Einarsson, íslenskur stjórnmálamaður.
• 1983 - Ólafur Ingi Skúlason, íslenskur knattspyrnumaður.
• 1985 - Jelena Berkova, rússnesk klámmyndaleikkona og söngkona.
• 1987 - José Ortigoza, paragvæskur knattspyrnumaður.
• 1996 - Trausti Breiðfjörð Magnússon, íslenskur stjórnmálamaður.

Dáin

• 1132 - Húgó frá Châteauneuf, biskup í Grenoble (f. 1052).
• 1204 - Elinóra af Akvitaníu, drottning Frakklands og síðar Englands.
• 1205 - Amalrekur 1., konungur Kýpur og Jerúsalem (f. 1145).
• 1412 - Albrekt af Mecklenburg, Svíakonungur 1363–1389 (f. 1336).
• 1441 - Blanka 1., drottning Navarra (f. 1387).
• 1637 - Niwa Nagashige, japanskur stríðsherra (f. 1571).
• 1684 - Roger Williams, enskur guðfræðingur (f. 1603).
• 1868 - Rasoherina, drottning Madagaskar (f. 1814).
• 1922 - Karl 1. Austurríkiskeisari (f. 1887).
• 1922 - Henri-Paul Motte, franskur listmálari (f. 1846).
• 1927 - Eymundur Jónsson, íslenskur járnsmiður og bóndi (f. 1840).
• 1976 - Max Ernst, þýskur listmálari (f. 1891).
• 1984 - Marvin Gaye, bandarískur söngvari (f. 1939).
• 1990 - Carlos Peucelle, argentínskur knattspyrnumaður (f. 1908).
• 1996 - Hjörtur Eldjárn Þórarinsson, bóndi á Tjörn í Svarfaðardal (f. 1920).
• 2001 - Jalil Zandi, íranskur flugmaður (f. 1951).
• 2002 - Jón Múli Árnason, íslenskur útvarpsmaður og tónskáld (f. 1921).
• 2013 - Herdís Þorvaldsdóttir, íslensk leikkona (f. 1923).
• 2025 - Val Kilmer, bandarískur leikari (f. 1959).

Hefðir

• Aprílgabb