YouTube

YouTube
Logo sinds februoari 2025
YouTube zoekresultoatn, meie 2025
Type bedryf	Dochteroundernemienge
Type	Videoplatform, socioale media
Ipgericht	14 februoari 2005
Lokoatie	901 Cherry Avenue San Bruno, Californië
Land	Verênigde Stoatn
Gebied	Weireldwyd (uutgezounderd geblokkeerde landn)
Iegnoare	Alphabet Inc.
Ipndreiers	Chad Hurley Jawed Karim Steve Chen
Belangryke menschn	Neal Mohan (CEO) Chad Hurley (adviseur)
Industrie	Internet, videohosting
Productn	YouTube Kids YouTube Music YouTube Premium YouTube Shorts YouTube TV
Omzet	Patrôon:Increase $31,5 miljard (2023)
Moederbedryf	Google LLC (2006–nu)
Website	youtube.com
IPv6	Joa
Licensie	D'n uploader eit 't auteursrecht (standaardlicensie); Creative Commons is meugelik.
Programmeertoale	Python (core/API), C, C++, Java, Go, JavaScript (UI)
Reclame	Google AdSense
Registruusje	Optioneel (nodig vo te uploaddn, +18 video's te bekykn, afspeellystn te moakn en te reageern)
Gebruukers	Patrôon:Decrease 2,7 miljard actieve gebruukers per moand (januoari 2024)
Gelanceerd	23 april 2005
Status	Actief

YouTube is een Amerikoans platform vo online video's te dêeln da eigendom is van Google. YouTube wierd ipgericht ip 14 februoari 2005 deur Chad Hurley, Jawed Karim en Steve Chen, die idder vo PayPal wrochten. 't Ôofdkantoore ligt in San Bruno, Californië, en 't is de ip êen na mêest bezochte website ter weireld, achter Google zelve. In januoari 2024 aad YouTube mêer of 2,7 miljard actieve gebruukers per moand, die t'ope mêer of êen miljard eurn an video's bekeekn elken dag. Teegn meie 2019 wierd er vo mêer of 500 uur an content per menuut upgeload, en teegn 't middn van 2024 stoundn d'r in totoal oungevêer 14,8 miljard video's ip d'n site.

Ip 13 november 2006 wierd YouTube gekocht deur Google vo 1,65 miljard Amerikoansche dollar. Google zörgde d'r vôorn da YouTube mêer verdienmodelln krêeg: neffest d'n inkomste uut reclame allêne, kwoamn d'r ôok betoalde content lik films en exclusieve reeksn die specioal vo YouTube gemakt woarn. 't Biedt ôok YouTube Premium an, e betoald abonnement vo video's te bekykn zounder reclame. YouTube miek gebreuk van 't Google AdSense-programma, wuk da mêer inkomstn uutoalde vo zowèl YouTube zelve as vo de goedgekeurde contentmoakers. In 2023 brocht de reclame up YouTube in totoal 31,7 miljard dollar ip, e stygienge van 2% in vergelykienge mè de 31,1 miljard in 2022. Tusschn 't vierde kwarteel van 2023 en 't derde kwarteel van 2024 gienk de gecoembineerde omzet van reclame en abonnementn over de 50 miljard dollar.

Sinds d' overnoame deur Google eit YouTube zyn eign uutgebreid vôorby de boasiswebsite en miekn ze mobiele apps, netwerk-tv, spelletjes, en de meugelikheid om te koppeln mè andre platformn. De videocategorieën ip YouTube goan van muziekvideo's, videofragmentn, njuuws, korte en langspeelfilms, liedjes, documentaires, filmtrailers, teasers, tv-spotjes, livestreams, vlogs en nog vele mêer. 't Mêeste dêel van d'n inoud wudt gemakt deur geweune menschn, inclusief soamenweirkiengn tusschn YouTubers en bedryfssponsors. Gekende media-, njuuws- en entertainmentbedryvn ein ôok nunder zichtebeirheid vergrôot ip YouTube-kanoaln vo e grotter publiek te bereikn.

YouTube eit en oungeziene socioale impact g'ad, mè e grôte invloed ip de populaire cultuur, internet-trends, en 't creëern van stêenryke multimiljonairs-beroemdheedn. Ten spyt van zyn groei en succes, eit 't platform ôok zwoare kritiek gekreegn vo 't meugelik moakn van de verspreidienge van misinformoatie en auteursrechtelik beschermde content, 't routineus schendn van de privacy van zyn gebruukers, te strenge censuur, 't in gevoar briengn van d' veiligheid en welzyn van kienders, en vo 't nief consequent toepassn van de platformrichtlynen.

Geschiedenisse

Iprichtienge en êestn groei (2005–2006)

YouTube wierd upgericht deur Chad Hurley, Jawed Karim en Steve Chen. De drie woarn in d'n beginne weirknemers by PayPal en woarn ryk gewordn achter da eBay 't bedryf ad e-kocht. Hurley aad vormgevienge g'studeerd an de universiteit van Indiana in Pennsylvania, en Chen en Karim addn t'ope informatica g'studeerd an de universiteit van Illinois.

Vôgns e verhoal da dikkers is verteld in de media, ountwikkelden Hurley en Chen 't gedacht vo YouTube in d' êeste moandn van 2005, nadat ze moeite addn g'ad oem video's te dêeln die ze addn gefilmd ip e dinerfêestje in 't appartemènt van Chen in San Francisco. Karim wos d'r nief by up da fêestje en ountkende da 't ôoit wos gebeurd, moa Chen merkte ip dat 't gedacht da YouTube begost wos achter e dinerfêestje "woarschynlik styf versterkt is deur marketieng-ideeën om e verhoal te moakn da makkelik in de ôre klinkt".

Karim zei da d'n inspiroatie vo YouTube kwaam van de controverse round d'n Super Bowl-pauzeshow oen de borst van Janet Jackson effkes wierd blôotgeleid deur Justin Timberlake binst 't optreedn. Karim koste online moa moeilik e videoclip viendn van da incident, noch van d'n tsoenami in den Indischen Oceoan in 2004, wuk dat em ip 't gedacht brocht van e video-deelwebsite. Hurley en Chen zeien da d' ôorsprounkelikke bedoelienge van YouTube een video-versie wos van e online datingsite, g'ïnspireerd deur de website Hot or Not. Ze mieken zoekzoektjes ip Craigslist woarin dan ze schôone vrouwn vrôegn oem video's van underselve te uploaddn ip YouTube vo e belônienge van 100 dollar. Omdan ze moeite addn oem genoug doating-video's te viendn, veranderden d' iprichters nunder plan en beslisten ze oem oalle sôortn video's toe te loatn.

't YouTube-logo lik da 't wierd e-bruukt va 2005 toet 2007.

YouTube is begunn'n lik e tech-startup gefinancierd deur durfkapitoal. Tusschn november 2005 en april 2006 oalde 't bedryf geld ip by verschillige investeerders, woavan Sequoia Capital en Artis Capital Management de twêe grôotsten waoren. D'n êesten ôofdzetel van YouTube wos geleegn boovn e pizzeria en e Japans restaurant in San Mateo, Californië. In februoari 2005 registreerde 't bedryf 't domein www.youtube.com. D'n allereêste video wierd ip 23 april 2005 online gezet. Den tytel is "Me at the zoo", en 't toogt mede-uprichter Jawed Karim in d'n zoo van San Diego en j' is vandoage nog olsan te bekykn ip de site. Ip diezeste dag lanceerde 't bedryf een oopnboare bèta en teegn november wos e reclamefilmke van Nike, mè Ronaldinho d'r in, d'n êestn video die e miljoen views oalde. De website gienk uut zyn bèta-foaze in december 2005, en binst dien tyd wierd d'n website ol 8 miljoen ki per dag bekeekn. In d'n beginne mochten de filmpjes nie grotter zyn of 100 megabyte, wuk da somtyds gelykstound an zjuust 30 secondn beeldmaterioal.

YouTube was ni d' êeste videowebsite ip 't internet; Vimeo wos oal upgericht in november 2004, oewêl da die site êest e nevenproject bleeft van under ountwikkeloars uut CollegeHumor. Ip 17 december 2005, dezeste weke da YouTube uut de bèta-foaze kwam, zond de njuuwszender NBCUniversal binst Saturday Night Live de sketch "Lazy Sunday" van The Lonely Island uut. Neffest de kyksyfers vo de latere uutziendiengn te doen stygn vo Saturday Night Live, elpte d'n status van "Lazy Sunday" lik êen van d' êeste viroale video's om YouTube echt ip de koarte te zettn. Ounofficiële uploads van de sketch up YouTube oalden tegoare mêer of vuuf miljoen views teegn februoari 2006 vôorn dan ze wierden weuggehoald oen NBCUniversal doa round vroeg vanweuge auteursrechtn e poar moanden loater. Ten spyt dan ze uutendelyk weuggehoald wierdn, elpten die dubbele uploads oem YouTube nog populairder te moaken en leidde da toet et uploaddn van mêer content van derden. De site groeide lik kôol; in juli 2006 makte 't bedryf bekend da d'r elken dag mêer of 65.000 nieuwe video's wierdn upgeload en da ze eounderd miljoen views per dag oaldn.

De keuze van d'n noame youtube.com leidde toet probleemn vôor een andren website met e gelykoardigen noame, utube.com. Den iegnoare d'rvan, Universal Tube & Rollform Equipment (Universal Tube), spande e proces an teegn YouTube in november 2006, achter dan ze constant overbelast wierden deur menschn die YouTube zochten. Universal Tube eit zyn domein d'rachter zelve veranderd noar www.utubeonline.com.

"Broadcast Yourself"-perioode (2006–2013)

Ip 9 oktober 2006 makte Google bekend dan ze YouTube aen e-kocht vo 1,65 miljard dollar in Google-andêeln. De koop wierd offysjeêl ofgeround ip 13 november 2006. D' overnoame deur Google zörgde vo e nieuwe interesse in videowebsites; IAC, die intusschn Vimeo a gekocht, focuste nunder ip 't oundersteunen van contentmoakers vo under te ounderscheidn van YouTube. In dien tyd paktige YouTube d'n slogan "Broadcast Yourself" an.

't Bedryf kende nen enormen groei. The Daily Telegraph schrêef dat YouTube in 2007 in zyn eentje êvenvele bandbrêedte verzoop lik 't hêle internet in 2000. Teegn 2010 aad 't bedryf e marktoandeel van round de 43% bereikt en mêer of 14 miljard video's wierdn bekeekn, vôgns comScore. Da joar miek 't bedryf zyn interface simpeler om den tyd da gebruukers ip de site spendeerdn te verogen.

In 2011 wierdn d'r elken dag mêer of drie miljard video's bekeekn en wierd er elken menuut vôor 48 uur an nieuwe video's upgeload. 't Mêeste van die views kwaam van e relatief klêne bende video's; vôgns e software-ingenieur uut dièn tyd wos 30% van de video's verantwoordelik vo 99% van alle views ip de site. In dat zeste joar veranderde 't bedryf nog e ki zyn interface en introduceerdn ze tegelykerweug e nieuw logo met e dounkerdere rôoe kleur. E doarip volgende anpassienge van d'n interface, bedoeld oem d' ervoarienge ip d'n pc, tv en gsm ip mekoar te loatn trekkn, wierd uutegerold in 2013. Teegn ton wierd er elken menuut vôor 100 uur upgeload, wuk da in november 2014 al verôogd wos toet 300 uur.

D'n ôofdzetel van YouTube in San Bruno, april 2017

Binst dizze perioode gienk 't bedryf ôok deure een oop organisoatorische veranderiengn. In oktober 2006 verhuusde YouTube noar e nieuw kantoor in San Bruno, Californië. Hurley koendigde an dat 'n gienk oftreedn lik CEO van YouTube om een adviseursrolle an te pakkn en da Salar Kamangar 't bedryf gienk overpakkn in oktober 2010. In april 2009 sloot YouTube e soamenweirkiengsakkoord mè Vevo. In meie 2010 wierd "Bad Romance" van Lady Gaga de mêest bekeekn video, en d'n êestn video die 200 miljoen views oalde ip 9 meie 2010.

YouTube krêeg e gigantisch proces an z'n bêen van Viacom International in 2011 da 't bedryf bykans de nekke a omgedroaid. 't Proces wierd an'espann deure de beweerde inbreuke ip de auteursrechtn van Viacom eur materioal deur YouTube. 't Amerikoansche Hof van Beroep vo 't Twidde Circuit oordeelde echtewel da YouTube nief ansprakelek wos, en ezo won YouTube de zoake in 2012.

Susan Wojcicki as boas (2014–2023)

YouTube-logo van 2015 toet 2017

Susan Wojcicki wierd in februoari 2014 an'esteld lik CEO van YouTube. In januoari 2016 breidde YouTube zyn ôofdzetel in San Bruno uut deur e kantoorpark te koopn vo 215 miljoen dollar. 't Gebouw eit 51.468 vierkante meter en kut toet 2.800 werknemers huusvestn. YouTube lanceerde in ogustus 2017 offysjeêl de "polymer" herontweirp van under gebruukersinterfaces gebaseerd up Material Design lik standaard, tegoare med e veranderd logo dat gebouwd is round de "play"-knop van de website.

Binst dezen tyd probeerde YouTube e masse nieuwe maniern oem geld te verdienn buutn de geweune reclame-inkomstn. In 2013 lanceerde YouTube e proefprogramma vo contentmoakers vo abonnementskanoaln an te biedn. Dit initiatief wierd in januoari 2018 ofgeschaft moa in juni weere erlanceerd, me kanoalabonnementn van $4,99. Die kanoalabonnementen waoren nen toevoegienge up de bestoande Super Chat-functie die in 2017 gelanceerd wierd, woarmee da kykers tusschn de 1 en 500 dollar kostn doneern om nunder bericht te doen upvolln. In 2014 koendigde YouTube een abonnementsdienst an ounder d'n noame "Music Key", die 't ad-free streamn van muziek up YouTube bundelde met de bestoande Google Play Music-dienst. D'n dienst bleeft zyn eign ountwikkeln en in 2015 koendigde YouTube YouTube Red an, e nieuwe premiumdienst die ad-free toegang gienk biedn toet oalle content ip 't platform (as upvolger van Music Key da 't joar idder wos uutebracht), exclusieve originele series en films gemakt deur YouTube-persôonlykheedn, en de meugelikheid om content in d'n achterground of te speeln ip mobiele appoaraten. YouTube lanceerde ôok YouTube Music, e derde app die gericht wos ip 't streamn en ountdekken van muziek ip 't YouTube-platform.

't Bedryf probeerde ôok productn te moaken die antrekkelik woarn vo specifieke kykers. YouTube brocht in 2015 de mobiele app YouTube Kids uut, die ontworpen wos om e ge-optimaliseerde ervoarienge vo kienders te biedn. 't Ad e simpele gebruukersinterface, e gecureerde selectie van kanoaln mè leefteidsgeschikte content, en functies vo ouderlyk toezicht. Ôok in 2015 lanceerde YouTube YouTube Gaming—een applicoatie gericht ip video-games vo video's en livestreams, bedoeld om de concurrentie an te goan mè Twitch (eigendom van Amazon). In april 2018 vound d'r e schietpartye plôats in d'n ôofdzetel van YouTube in San Bruno, Californië, woaby datter viere menschn gewound raaktn en de schutter sterfde.

Teegn februoari 2017 wierd er elken dag vôor e miljard uur an YouTube-video's bekeekn, en wierd er elken menuut vôor 400 uur an video's upgeload. Twêe joar loater was da gestegen noa mêer of 500 eurn per menuut. Binst de COVID-19 pandemie, oen bykans de hêle weireld ounder lockdown zat, steeg 't gebruuk van dienstn lik YouTube enorm. Forbes schatte da YouTube teegn 2024 goed wos vo 16% van aol 't internetverkêer, e stygienge vanof de 11% in 2018, voôr de pandemie. Lik antwôord up EU-founctionoarissn die vroegn of da zudane dienstn under bandbrêedte kostn verleegn zoda medische dienstn genoug bandbrêedte over ielden oem informoatie te dêeln, zeiden YouTube en Netflix dan ze de streamkwaliteit vo minstns dertig doagn gienkn verleegn oem 't bandbrêedte-gebruuk mè 25% te doen zakkn om an d' êis van d' EU te voldoan. YouTube koendigde loater an dan ze die moatregele weireldwyd gienkn toepassn: "We bluuvn nauwe t'opewirkn mè regeriengn en netwerkbeheerders over d' êle weireld om ouns dêel te doen om d'n stress ip 't systeem te minimoliseern binst d'oungenziene situoasje."

Achter e klacht in 2018 over de vermeende schendiengen van de Children's Online Privacy Protection Act (COPPA), kreeg 't bedryf e boete van 170 miljoen dollar van d'n FTC vôor 't verzoamelen van persôonlyke gegeevns van mienderjoarigen ounder de 13 joar. YouTube moeste ôok systemen moakn oem de privacy van kienders te verbêetern. Achter kritiek up d' implimentoatie van die systemn begost YouTube vanaf 6 januoari 2020 oalle video's die an'eduud wierdn as "gemakt vo kienders" te beandeln as ansprôaklik ounder COPPA. Neffest d'n YouTube Kids-app, miek 't bedryf in 2021 e g'superviseerde mode, die mêer ountworpen is vo tieners. Doaboovnup lanceerde YouTube ôok YouTube Shorts, e platform vo korte video's oem de concurrentie an te goan mè TikTok en Instagram Reels. In dièn tyd raakte YouTube verwikkeld in ruuzjes mè andere techbedryvn. Tusschn 2018 en 2019 wos d'r mêer of e joar lank gèn YouTube-app beschikboar vo Amazon Fire-productn. In 2020 oalde Roku d'n YouTube TV-app uut nunder streamingwinkel nadat d'twee bedryvn nief toet een akkôord kostn kommn.

Achter e poar testsidder in 2021, oalde YouTube d' openboare wyzige van 't aantal "dislikes" by video's weug in november 2021. D' reeden d'rvôorn was vôgns nunder intern ounderzoek da gebruukers d' dislike-functie dikkers gebruukten lik e vorm van cyberpesten en 'vote brigading'. Oewêl da sommigte menschn 't e goe gedacht vounden oem trollen weug te joagen, vounden andren 't just slicht omdan ze doadeure moeilikker clickbait of ounnuttige video's kostn herkenn'n en dat d'r ol e masse andre functies bestounden oem pesten teegn te goan. YouTube mede-uprichter Jawed Karim noemde 't uutoalen "e dom idee" en zei da d'n echtn reeden "gèn goen is, en ene datter nôoit uutgelegd goat wordn". Je vound da de meugelikheid van gebruukers om up e platform schoadelikke inoud te herkennen essentiël is, mè d' wôordn: "'t Systeem weirkt, en d'r is nen noame vôo: de wysheid van d' massa. 't Proces briekt as 't platform d'r eign moeit. Ton goat 't platform onvermydelik achteruut." Rap achter die aankondigienge miek software-ountwikkelaer Dmitry Selivanov "Return YouTube Dislike", een open-source derde-party browserextensie vo Chrome en Firefox die 't antal dislikes by e video were toogt an d'n gebruuker. In nen brief e-publiceerd up 25 januoari 2022 gaf d'n toenmoalign CEO Susan Wojcicki toe dat 't weughoaln van d' dislikes e controversiële beslissienge wos, moa z'n bleeft d'r achter stoan en zeide da "'t antal dislike-anvolln vermienderde."

In 2022 begost YouTube met een experiment woarby 't bedryf gebruukers die langre video's ip tv bekeekn een lange reke van korte nief-skippoare advertensjes toogde, med de bedoelienge oem oalle reclame noar 't begin van d'n video te stuwen. Achter e zwoarn storm van publyke kritiek ip 't ongewoon ôle antal nief-skippoare reclames, eit YouTube 't experiment stop'ezet up 19 september van da zèlfste joar. In oktober koendigde YouTube an dan ze anpasboare gebruukers-handles giengen introeduceern boovnop de kanoalnoamn, wuk da d'rachter ôok de kanoal-URL's zoudn wordn.

Neal Mohan as boas (2023–nu)

YouTube-logo van ogustus 2017 toet februoari 2025

Ip 16 februoari 2023 ankoendigde Wojcicki da ze gienk stoppn lik CEO, en Neal Mohan wierd e-noemd lik euren ipvolger. Wojcicki paktige een adviseursrolle op by Google en 't moederbedryf Alphabet. Wojcicki stierf e goe joar en e 'n alf loater an longkanker (non-small-cell) ip 9 ogustus 2024. Ende oktober 2023 begost YouTube e stikkere anpak teegn 't gebruuk van ad blockers (reclame-blokkeerders) ip 't platform. Gebruukers d'rvan krêegn e pop-up woarschuwinge met d' boodschap "Video player goat geblokkeerd zyn achter 3 video's". Gebruukers krêgen d'n iproep om d' advertensjes toe te loatn of e betoald abonnement te pakkn up 't reclamevrije YouTube Premium. YouTube zeide da 't gebruuk van ad blockers nunder gebruuksvôorwoarden schond. In april 2024 ankoendigde YouTube dazze "nunder handhaevieng uutbreid'n ip derden-apps die d'n service-vôorwearden van YouTube schenden, specifiek apps vo 't blokkeern van reclame". Vanaf juni 2024 liet Google Chrome weetn da z' Manifest V2 giengn vervangn in 't vôordêel van Manifest V3, wuk dat doômé de oundersteuning voo de mêeste ad-blockers de nekke omdroaide. Roend diezèlfsten ty'd is YouTube oôk b'gonn met "server-side ad injection", e techniek die 't mûgelik moe moaken dat 't platform de reclame rechstrêeks binn'n in d'n video instikt, in plàatse van e apart bestangt te ièn die geblokkeert zoe kunn'n wird'n.

In september 2023 stèlde YouTube een in-app spelletjiesplatform voor ounder de noame "Playables". 't Kwam vry voo olle gebruukers in meie 2024, achter dat 't êest moar alleên vo de premium-abboenement'n wos. In december 2024 begost YouTube me te testn met e nieuwe multiplayer-founctie vo dièn diênst, vo multiplayer-games zowel up de pc lik ip d'n gsm toe te laoten. Teegn decëmber 2024 ad de catalogus van Playables mîer dan 130 spellen in vêel verschiellnde gënres, met dr oonder trivia, acssie, en sport. In december 2024 bröcht YouTube weere nieuwe riechtlynn uut teegn d'n video's mé klikbait tittels oem te zorg'n vwo den hoêg'n kwaliteyt en vo te striedn teegn misinformaetsiè. 't Platfoorm eit d' ambitie vo de moakers th'e straffn die mislêednde of sensationele titels uutzend'n, watta leiedd in mûgelik'e straffen lîk t weughaaln van d'n video of 't giel kanöâl ip te skoortn. Volg'ns YouTube zal dizz'e riechtlyne êst wordn in'gevoert in Indië, om in de volgnde moanden uutgebreid te wordn noa andren lând'n.

Ip 14 februoari 2025 vierde YouTube da ze 20 joar b'stoundn. Ip 30 juli 2025, met d' invoeering van den Online Safety Act 2023 in 't Verênigd Keunienkryk, miek Google bekend da ze e test giengn doên om "leeftydscontroles" toe te passn up geselecteerde gebruukers in de Verênigde Stoatn. Machine learning goat gebruukt wordn oem de leêftyd van d'n gebruuker te checken (zounder te kiken na de gegevens die z' up nunder account ein in'egeevn) en om d'n toegaank toet bepoalde content en functies ip oalle Google-platformn, inclusief YouTube, te beperkn (mè ounder andre 't uutschakeln van gepersonaliseerde reclame en 't in vôeg briengn van digitale welzynslimieten) as z' anzien wordn lik mienderjoarig ounder de 18 joar. Ip YouTube goat da gebaseerd zyn ip factor'n lik de zoek- en videogeschiedenisse en d'n ouderdom van d'n account. D'n gebruuker moe e leeftydsverificoatie doen via e betoalienge, een id-koarte of e selfie oem by oalle functies te kùnn'n as 't em uutkomt da t'n e mienderjoarigen is. Ip 9 april 2025 sprak YouTube zyn steun uut vo de NO FAKES Act van 2025, g'ïntroduceerd deur d'n senateur Chris Coons (D-DE) en senateur Marsha Blackburn (R-TN), en koendigde een uutbreidienge an van nunder proefprogramma dat is ontworpen vo content t'erkennen die gemakt is deur AI.

Up 23 september 2025 liet moederbedryf Alphabet weetn dan ze contentmoakers weere giengn toeloatn die idder verbann'n woarn vo 't verspreidn van misinformoatie over COVID-19 en de Amerikoansche presidentsverkieziengn van 2020. Binn'n de context van de schorsienge van Jimmy Kimmel en de debattn over 'vryheid van mêniengsuutienge in Amerika', verdedigde d'n vicepresident J.D. Vance de schorsienge van Kimmel en oalde j' in de plekke doarvan e brief an die deur d'n advocoat van Alphabet, Daniel F. Donovan, na d'n vôorzitter van 't Amerikoansche House Judiciary Committee, Jim Jordan, was e-zoundn. In die brief wierd er beweerd da de Biden-administroatie YouTube ounder druk aad e-zet oem "nief-overtredende user-generated content" mè misinformoatie over de pandemie en de verkieziengn weug t' oalen. Ze maktn d'r ôok bekend dan ze d' accounts weere giengn herstelln van de moakers die deur die e-citeerde content woarn verbannen; moa die beweirdiengn zyn nôoit formeel beweezn, en 't Amerikoans Hôoggerechtshof verwierp in 2024 de "First Amendment"-zoake Murthy v. Missouri (die beweirde da d' administroatie de media bedryvn dwong vo conservatieve meniegn, regeringskritiek en COVID-misinformoatie te censureern) met e uutsprake van 6-3. De rechtbank besliste da noch de ministers van justiesje van Missouri en Louisiana, noch d' andre betrokkenn, de bevoegdheid addn vo de zoake an te spannn. De beslissienge van Alphabet oem de YouTube-moakers die misinformoatie verspreiddn weere ip 't platform te loatn, krêeg e masse kritiek omdan ze de vôorkeure goaven an "vryheid van mêniengsuutienge" boovn "feiten".

Ôofdledienge

YouTube wudt oal sinds d' iprichtienge in 2005 e-leid deur nen CEO. D'n êesten wos Chad Hurley, die 't bedryf toet an 2010 heit bestuurd. Zèlfs achter da Google YouTube overpakte, is de CEO-rolle bleevn bestoan. Salar Kamangar nam in 2010 de plekke van Hurley in en bleeft up dièn stoel zittn toet an 2014. Je wierd ton vervangn deur Susan Wojcicki, die eur uutendelik uut die founctie trugtrok in 2023. Ip 16 februoari 2023 wierd Neal Mohan an'esteld as d'n nieuwn CEO.

Founcties

Zie ôofdartikel: Lyste van YouTube-founcties

YouTube biedt e masse verschillige founcties an die ofangn van de verificoatie van d'n gebruuker. Da goat van standoard boasis-meugelikheedn lik 't uploaddn van video's, 't moakn van afspeellysten en 't gebruukn van YouTube Music, mèi limietn die afangn van joun dagelikse activiteit (verificoatie via e gsm-numero of d'n ouderdom van joun kanoal zörgen d'r vôorn daje mêer founcties krygt en je dagelikse limietn verôgen). D'r zyn ôok intermediaire of extra founcties lik 't meugn uploaddn van video's die langer duren of 15 menuuten, live-streamen, eign fotoosjes (thumbnails) toevoegn an joun video, en 't moakn va podcasts. Ten latste zyn der de g'avanceerde founcties, woarounder bezwoar indienen vo Content ID, live-streams insluutn (embedden) ip andre sites, inkomstn (monetisoatie) anvragen, klikboare links toevoegn, ôofdstikken an de player toevoegn en reacties van kykers vaste pinn'n ounder video's of in community-postjes.

Video's

Zie ôofdartikel: Lyste van YouTube-video's

In januoari 2012 wierd der geschat dat de bezoekers ip YouTube gemiddeld 15 menuutn per dag up de site deurebrochtn, in teegnstellienge toet de viere of vuuf euren dat e geweunen Amerikoan per dag na de tv zat te kykn. In 2017 keeken de kykers gemiddeld mêer of e uur per dag noa YouTube up mobiele toestellen. In december 2012 wierdn d'r 2 miljard views weuggehoald by de weergavecyfers van muziekvideo's van Universal en Sony ip YouTube, wuk da leidde toet de beweirienge van The Daily Dot da de views gewist woarn wegens 't schendn van de gebruuksvôorwaarden, die 't gebruuk van g'automatiseerde processn (bots) verbieden om views ip te bloazen. Dit wierd teegngesprookn deur Billboard, die zèi da de twêe miljard views gewôon verplatst woarn noa Vevo, omdan de video's nief mêer actief woarn ip YouTube zelve.

Ip 5 ogustus 2015 fixte YouTube e beruchte foute die 'r vôorn zörgde dat de view-teller by e nieuwe video bevrôor up "301" (loater "301+") toetda 't echt aantal geverifieerd kost wordn om fraude teegn te goan. D'rachter begostn de views van YouTube oal in realtime by te wirkn. Sinds september 2019 wudt 't aantal abonnees ofgekort getoogd. Ollêne d' êeste drie cyfers van 't abonneesyfer van e kanoal wordn oopnboar getoogd, woardeure da functies van derde partyen die 't in realtime meetn, lik Social Blade, bykans nie mêer wirkn. D' exacte cyfers bluuvn wel toegaankelik vo d' iegnoars van 't kanoal bin'n in YouTube Studio.

Up 11 november 2021, achter dat d' anpassienge test was gewist in de moarte van 'tzelfste joar, miek YouTube bekend dan ze giengn begunn'n mè 't verbêrgen van d'n dislike-teller vo de kykers. 't Bedryf zèèi da die beslissienge wos genomeen uut d' experimentn woaruut datter bleek da de klêenre YouTube-moakers enorm dikkers 't doelwit woarn van gecoördineerde dislike-anvall'n ("vote brigading") en gepest. De moakers zelve kunn wel nog olsan zien oevele dislikes en likes ze ein in nunder eigen YouTube Studio-dashboard. YouTube eit e geschat andoal van 14,8 miljard video's woarvan datter oungeveir 4% nog nôoit ènen oalven kyker eit g'ad. Iet mêer of 85% d'rvan eit miender of 1.000 weergaven.

Auteursrechtprobleemn

Zie ôofdartikel: YouTube auteursrechtprobleemn

Zie ôok d' inkomstn vo auteursrechthoueders

YouTube eit oal e masse uutdoagingen en kritiek g'ad in under pogiengn oem mè auteursrechtn omme te goan, inclusief met de site eur êeste viroale video, "Lazy Sunday", die der ofg'hoald moest wordn wegens probleemn mè auteursrechtn. Ip 't moment daje e video oploadt, krygn YouTube-gebruukers een bôodschap the zien die under vrôagt oem gèn auteursrechtwetten te schenden. Ondanks dit advies bluuvn d'r e masse oung'autoriseerde stikskes van auteursrechtelik beschermd materioal ip YouTube stoan. YouTube kykt noooit na de video's vôorn dan ze online stoan, en 't wudt oavergeloaten an d' iegnoars van 't auteursrecht om een DMCA takedown-bericht te sturen volgns de vôorwaarden van de Online Copyright Infringement Liability Limitation Act. Elke goedgekeurde klacht over 't schendn van auteursrechtn leid toet e "YouTube copyright strike". Drie van zukke strikes teegn ne gebruuker zörgt d'r vôorn dat 't account en oal d' upgeloade video's wordn uutewist. Tusschn 2007 en 2009 ein bedryvn lik Viacom, Mediaset, en d' Iengelsche Premier League rechtszaekn an'espannen teegn YouTube, bewerend da 't bedryf te winnig ad gedoan oem 't uploaddn van beschermd materioal teegno te goan.

In ogustus 2008 bepoalde een Amerikoanschen rechtbank in Lenz v. Universal Music Corp. da d' iegnoaren van auteursrechtn nief zomaar meugen vragen oem een online bestand weug te hoalen zounder êest te bekykn of datter gèn sproake wos van billik gebruuk (fair use) van 't materioal. Iegnoare Google ankoendigde in november 2015 dan ze giengn helpn mè 't betoaln van de gerechtskostn in e poar uutgekozzen zoaken woarby dan z' overtuugd woarn da "fair use" van passings was. In de zoake uut 2011 van Smith v. Summit Entertainment LLC daegde d'n professionelen zanger Matt Smith Summit Entertainment vôo d'n rechter vo 't ounterecht gebruuk van de takedown-berichtn up YouTube. J' bracht zeven actiepunten an, woarvan da d'r viere in 't vôordêel van Smith wierdn e-voenist. In april 2012 oordeelde e rechtbank in Hamburg da YouTube wèl ansprôakelik kost g'oudn wordn vöör e'auteursrechtelijk beschermde materioaln diê deur nunder gebruukers up d'n site gepost woarn. Ip 1 november 2016 wierd 't ruzie mèi de GEMA ipgelost, woarby da 't Google Content ID-systeem gebruukt gienk wordn oem advertensjes by te steekn up video's mè materioal da deur de GEMA beschermd wierd.

In april 2013 wierd er gemeld da Universal Music Group en YouTube e contract add'n da verbeed dat inhoud diê ip verzoek van UMG wierd geblokkeerd nog kostehersteld wordn, zelfs ol dende d'n uploader van de video e DMCA contra-klacht in. As dêel van YouTube Music têkendn Universal en YouTube in 2017 een akkôord, wuk da loater gevolgd wierd deur aparte akkôordn mè andre grôte labels, wuk da 't bedryf 't recht gof ip advertensie-inkomsten a nunder muziek op YouTube wierd ofgespeeld. Teegn 2019 kreêg'n creadêurs the moakn mè video's die ofgenoomen wierden of nunder geldinbrieng kwyt raktn, ols Content ID zelfs moa piepkleine stikskes an g'auteursrechte muziek in een eênorm langere video erkende, mè verschillige gradaties van strafn ofankelik van 't ploatenlabel. Experts liet'n verstoan da een dêel van die korte stikskes tòch eigentlyk wèl ounder 'fair use' mochtn voallen.

Content ID

Zie ôofdartikel: Content ID

In juni 2007 begost YouTube mè 't testen van e systeim vo 't automatisch detecteern van upgeloade video's die de wet up auteursrechten brakn. Google CEO Eric Schmidt bekeêk dit systeim as noôdzakelik vo 't iplossen van rechtszaekn lik die van Viacom, die zéy da YouTube profiteerde van content woarvan dan ze de rechten niet add'n om the verdêeln. 't Systeim, dat in d'n beginne "Video Identification" wierd genôemd en loater bekend kwam as Content ID, makt e ID File vo beschermd audio- en videomaterioal en sloat dat up in een database. Os e video is upgeload, wudt em gecontroleerd ip die database en geflaged lik e schendienge van 't auteursrecht ofdat er nen match gevienden wudt. Os dat e-beurt, heit d'n iegnoare van d'n inhoud de keuze vo d'n video the blokkeeren en oenbekykboar the moakn, de weergave-statistieken te volgn, of d'r reclames ip te plekk'n.

In nen onofankeliken test uut 2009 wierdn d'r verschillige versies van 't zelfste lied up YouTube eg'zet en doa kwaam uut da 't systeim ollowêl 't "verbazend g'hard" wos in 't viendn van foute audio-tracks in d'n video's, nief t'ollemolle foutevry wos. 't Gebruuk van Content ID om automatisch dingen t' verwijdern eit in bepooalde gevaol'n e masse contreeversje veroôrzakt, omdan die video's nooït deur ne miens e-controleerd zyn e'weest oep de 'fair use'-regelieng. Os a YouTube-gebruuker nief akkoord goa met e besluut van Content ID, kutt'n e formulier invulln oem dezoake an te vechtn. Vôo 2016 mochtn video's gèn inkomstn miêr uutoaln toet da de ruzie g'effend was. Sinds april 2016 kunn d'n video's uunder geld blynf genéreeren tewielst den ruzie bezig iès, en 't geld goat doa wiën da uuteindelièk 't ounderspit wint. Ast n'n uploader were geld wilt uutoal'n mè zin video, kut in de "Video Manager" de geclaimden audio aofgehoald wordn. YouTube ei'd the effectiviteit van Content ID oangeoald lik eén van de reednen worom dat de regels van de site in decëmber 2010 wierdn aang'epast oem an sommegste geebruukrs the lôatn uploaddn zônder da'tter nen maximum duurtied up zât.

Rusland

In 2021 wierdn d'r twêe accounts weuggehoald die gekoppeld woarn an RT DE, 't Duutstalig kanoal van 't Russisch stoatsnetwerk RT, weegns 't briekn van YouTube nunder regels round COVID-19. Rusland dreigde mè YouTube te verbann'n achter da 't platform in september 2021 twêe Duutsche RT-kanoaln aad uutgewist. Kort achter de Russische invasie van d' Oekraïne in 2022, aolde YouTube aolle kanoaln nere die gefinancierd wierdn deur de Russische stoat. YouTube breidde 't weughoaln van Russische content van under site uut voe ôok kanoaln die as 'pro-Russisch' wierdn omschreevn mee te pakkn. In juni 2022 wierd 't kanoal War Gonzo, g'oedn deur d'n Russischen militèèrn vlogger en journoleist Semyon Pegov, dr'aof gekipperd.

In juli 2023 aolde YouTube 't kanaal van d'n Brittischen journoleist Graham Phillips weug, die actief wos mè 't versloan van d'n oorlog in d'n Donbas vanaof 2014. In ogustus 2023 gaf e Moskouse rechtbank a boete van 3 miljoen roebel, ofwa zôon 35.000 dollar, an Google oemda ze nief wouden weughoaln wuk dat zydre "nepnjuuws over d'n oorlog in Oekraïne" noemdn. In oktober 2024 gaf a Russische rechtbank Google a boete van 2 oendeciljoen roebels (gelyk an 20 deciljoen US-dollar) vo 't inperkn van Russische stoatsmediakanoaln ip YouTube. Stoatspersagentschap TASS miek bekend da Google aollêne moa meugt weerekêern noa de Russische markt oze nunder an de beslissienge van d'n rechter oudn. Kremlin-vôordvoerder Dmitri Peskov noemde d' uutsproake van d'n rechter "symbolisch" en woarschuwde Google dat 't "d' acties van uunze uutzenders up nunder platform nief zou meugn inperkn."

Aprilgrappn

Zie ôok: Lyste van 1 aprilgrappn van Google

YouTube aad van 2008 toet 2016 elkoar joar ip 1 april een 1 aprilgrap ip d'n website. In 2008 wierdn aolle links noa video's ip d'n ôofdpagina omgeleid noa de muziekvideo "Never Gonna Give You Up" van Rick Astley, e grap die bekend stoat as "rickrolling". 't Joar d'rop, aje ip e video ip d'n ôofdpagina klikte, droaide de hêle pagina oundersteboovn, wuk da YouTube e "nieuwen lay-out" noemde. In 2010 brocht YouTube tydelik e "TEXTp"-mode uut die de videobeeldn omzette in ASCII-art lettertjes "oem de bandbrêedtekostn mè 1 dollar per seconde te doen zakkn."

't Joar doapip vierde d'n site zyn "100ste verjoardag" med e reke va sepia-gekleurde stomme films uut 't begin van de joarn 1900, woarounder e parodie up Keyboard Cat. In 2012 leidde 't klikkn ip d' ofbeeldienge van e dvd neffest 't logo van d'n site noa ne video over e zoagezeide optie oem elken YouTube-video up dvd te bestelln vo thuusleverynge. In 2013 sloeg YouTube d' andn in mekoar mè de satirische gazette The Onion oem in nen geüploade video te beweirn da de videowebsite eigelik gelanceerd wos lik e wedstryd die uuteindelik toet een einde wos gekommn, en da 't platform voe tien joar gienk sluutn vôorn dat in 2023 weere erlanceerd gienk wordn mè aollêne d'n winnenden video d'rip. In d'n video dookn d'r e poar bekende YouTube-beroemdheedn ip, woarounder Antoine Dodson. Nen video van twêe presentateurs die de genomineerde video's ankoendigdn wierd vô 12 uur lank gelivestreamd.

In 2014 miek YouTube bekend dan zydre verantwôordelik woarn vôo 't moakn van aolle viroale videotrends, en toogdn ze vôorbeeldjes van upkommende trends, gelyk "Clocking", "Kissing Dad", en "Glub Glub Water Dance". 't Joar d'rachter stak YouTube e muziekknoptje by d'n videobalke die stikskes ofspeelde uut "Sandstorm" van Darude. In 2016 introeduceerde YouTube een optie oem elken video ip 't platform in e 360-groadn-mode te bekykn t'ope mè Snoop Dogg.

Dienstn

YouTube Premium

Zie ôofdartikel: YouTube Premium

Logo van YouTube Premium

YouTube Premium (vroeger Music Key en YouTube Red) is YouTube nunder premium abonnementsdienst. 't Biedt reclamevry streamn, toegaank toet exclusieve reeksn, en 't ofspeeln van video's up d'n achterground en offline ip mobiele appoaroatn. YouTube Premium wierd ôorsprounkelik an'ekoendigd ip 12 november 2014 as "Music Key", e muziekstreamingdienst mè abonnement, en 't wos de bedoelienge om t' integreern mè en in de plekke te kommn van de bestoande Google Play Music "All Access"-dienst. Ip 28 oktober 2015 wierd d'n dienst eernieuwd gelanceerd as YouTube Red, woaby dan ze ad-free streamn van aolle video's en toegaank toet exclusieve eign inoud anboodn. Teegn november 2016 aad d'n dienst 1,5 miljoen abonnees, mè doaboovnup nog e miljoen gebruukers in e groatis proefperioode. Teegn juni 2017 aad 't êeste seizoen van YouTube Originals in totoal 250 miljoen weergaven g'oald.

YouTube Kids

Zie ôofdartikel: YouTube Kids

Logo van YouTube Kids

YouTube Kids is een Amerikoansche video-app vo kienders ountwikkeld deur YouTube, e dochteroundernemienge van Google. D'n app wierd gemakt lik reactie up 't toezicht van d' ouders en d' overheid up de content die toegaankelik wos voo kiendjies. D'n app gèèft e versie van d'n dienst die gericht is up kienders, mè e gecureerde selectie van content, functies voe ouderlyk toezicht, en 't filteren van video's die anzien wordn lik oungeschikt voe kienders ounder de 13, 8 of 5 joar, afankelik van de gekoozen leeftydsgroep. D'n app wierd vo 't êest uutgebrocht ip 15 februoari 2015 lik nen Android en iOS mobiele app, en is sindsdien uutgebrocht voe LG, Samsung, en Sony smart-tv's, azôok voe Android TV. Ip 27 meie 2020 wierd 't ôok beschikboar up Apple TV. Vanaf september 2019 is d'n app beschikboar in 69 landn, inclusief Hong Kong en Macau, en êen provincie. YouTube lanceerde een web-versie van YouTube Kids up 30 ogustus 2019.

YouTube Music

Zie ôofdartikel: YouTube Music

Logo van YouTube Music

Ip 28 september 2016 benoemde YouTube Lyor Cohen, de mede-uprichter van 300 Entertainment en ex-directeur van de Warner Music Group, toet d'n weireldwydn boas van muziek (Global Head of Music). In 't begin van 2018 begost Cohen te hintn noar de meugelikke lanceringe van e nieuwn muziekstreamingdienst mè abonnement van YouTube, e platform da de concurrentie zoe angoan mè andre dienstn lik Spotify en Apple Music. Ip 22 meie 2018 wierd 't muziekstreamingplatform me d'n noame "YouTube Music" gelanceerd voe menschn die mêestal na muziek luustern ip YouTube.

YouTube Movies & TV

YouTube Movies & TV is e video on demand (VOD) dienst die films en tv-programs anbiedt oem te koopn of te uurn, afankelik va d' beschikboarheid, t'ope med e selectie films (die in totoal tusschn de 100 en 500 titels omvat) die groatis te streamn zyn, mè reclame tussndeure. YouTube begost in november 2018 mè 't anbieden van groatis te bekykn filmtitels an zyn gebruukers; e selectie van nieuwe films wudt toegevoegd en andren wordn weugg'oald, elkoar moand zounder ankoendiging. In moarte 2021 makte Google plann'n bekend oem d'n Google Play Movies & TV-app gelydelikan of te bouwen, en uuteindelik aolle gebruukers noa de YouTube-app zyn Movies & TV-winkel te verhuuzn oem films en tv-programs te bekykn, t' uurn en te koopn (wuk da ten êeste invoed ad up de smart-tv-gebruukers van Roku, Samsung, LG en Vizio ip 15 juli). Google Play Movies & TV gienk formêel toe up 17 januoari 2024, woaby da de webversie van da platform overging noa YouTube lik een uutbreidienge van de Movies & TV-winkel voe desktopgebruukers. Andre functies van Google Play Movies & TV wierdn in de Google TV-dienst geïntegreerd.

YouTube Primetime Channels

Ip 1 november 2022 lanceerde YouTube Primetime Channels, e kanoalwinkel-platform da streaming add-ons mè abonnement van derde partyen à la carte verkoopt via d'n YouTube-website en app. Ze concurreern ezo mè gelykoardige winkels vôor abonnement add-ons g'exploiteerd deur Apple, Prime Video en Roku. D' add-ons kunn e-kocht wordn via de YouTube Movies & TV-hub of via d' offysjeêle YouTube-kanoaln van de beschikboare dienstn; abonnees van YouTube TV add-ons die e-verkocht wordn via Primetime Channels kunn'n ôok nunder content bekykn via d'n YouTube-app en website. D'r woarn der in 't begin in totoal 34 streamingdienstn (woarounder Paramount+, Showtime, Starz, MGM+, AMC+ en ViX+) beschikboar voe an te koopn.

NFL Sunday Ticket wierd lik ounderdêel van e bridder thuusdistributie-akkôord da in december 2022 mè Google wierd e-têkend, wuk dat 't ôok beschikboar miek voe YouTube TV abonnees, ip 16 ogustus 2023 toegevoegd an Primetime Channels as een apartn add-on. De reclamevrye mode van Max wierd ip 12 december 2023 an Primetime Channels toegevoegd, wa da tôpeviel mè YouTube TV die under aparte HBO (vo base plan abonnees) en HBO Max (vo aolle abonnees) lineaire/VOD add-ons in êen gecombineerd Max-anbod oemzette. (Nota: Zowel de Primetime Channels lik de YouTube TV add-ons van Max biedn toegaank binn'n d'n app toet de vulledige content-bibliotheek van de streamingdienst, asôok toegaank mè d'n provider login toet de zelfstandige Max app en website, en live feeds van d'n lineaire kanoaln van HBO – beperkt toet de primêre East Coast feed up de Primetime Channels versie – en de Max-exclusieve CNN Max en Bleacher Report streaming kanoaln.)

YouTube TV

Zie ôofdartikel: YouTube TV

Logo van YouTube TV

Ip 28 februoari 2017 miek YouTube ip e persconferentie in YouTube Space Los Angeles de lanceringe van YouTube TV bekend, een over-the-top abonnementsdienst mè MVPD-stiel, die voe 65 US-dollar per moand beschikboar zoe kommn voe klantn uut de Verênigde Stoatn. D'n êeste lancering wos ip 5 april 2017 in vuuf grôte marktn (New York City, Los Angeles, Chicago, Philadelphia en San Francisco). D'n dienst gèèft livestreams van programs van de vuuf grôte uutzendnetwerkn (ABC, CBS, The CW, Fox en NBC, tezoamn me e poar geselecteerde MyNetworkTV-affiliates en onofankelikke zenders in bepoalde marktn), asôok oungeveer 60 koabelkanoaln die eigendom zyn van bedryvn lik The Walt Disney Company, Paramount Global, Fox Corporation, NBCUniversal, Allen Media Group en Warner Bros. Discovery (woarounder ounder andre Bravo, USA Network, Syfy, Disney Channel, CNN, Cartoon Network, E!, Fox Sports 1, Freeform, FX en ESPN).

Abonnees kunn'n teegn extra betoalienge premium koabelkanoaln bykreegn lik optionele add-ons (waarounder HBO - via e gecoembineerde Max add-on die toegaank by d'n app en via log-in inoudt -, Cinemax, Showtime, Starz en MGM+) en ôok andre abonnementsdienstn (lyka NFL Sunday Ticket, MLB.tv, NBA League Pass, Curiosity Stream en Fox Nation), en ze künnn toegaank krygn toet de YouTube Premium original content. In september 2022 begost YouTube TV met an klantn toe te stoan oem de mêeste van eur premium add-ons an te koopn (buutn e poar dienstn lik NBA League Pass en AMC+) zounder dat ze e bestoand abonnement up 't boasis-pakket add'n.

YouTube Go

Logo van YouTube Go

In september 2016 wierd YouTube Go an'ekoendigd, lik nen Android-app die e-makt wos oem YouTube makkelikker toegaankelik te moakn up gsm's in opkommende marktn. Ie wos ounderscheidn va d'n grotn Android-app van 't bedryf en miek 't meugelik om video's the download'n en the dêeln met andre gebruukers. Ie makte 't ôok meugelik oem vôorproefjes van video's te bekyken, gedownloade video's te dêeln via Bluetooth, en böôd mêer opties voe mobiel doatabeheer en videoresolutie.

In februoari 2017 wierd YouTube Go gelanceerd in Indië, en in november 2017 breidden ze d'n app uut noa 14 andre landn, waarounder Nigeria, Indonesië, Thailand, Maleisië, Vietnam, de Filipynn'n, Kenia, en Zuud-Afrika. Ip 1 februoari 2018 wierd de app in 130 landn weireldwyd uutgebrocht, waarounder Brazilië, Mexico, Turkeye, en Irak. Voorn dat 'n wierd e-stopt, wos d'n app beschikboar vo zooun 60% van d' weireldbevolkienge. In meie 2022 koendigde Google an dan ze YouTube Go gingen toedoen teegn ogustus 2022.

YouTube Shorts

Zie ôofdartikel: YouTube Shorts

E vôorbeeldvideo die geschikt is voe YouTube Shorts, die toogt oe da de Crew Dragon Endeavour ankoppelt by 't Internationaal ruumtestation

In september 2020 makte YouTube bekend da z' e bètaversie giengn lanceern van e nieuw platform voe video's van 15 secondn, vergelykboar mè TikTok, genoemd YouTube Shorts. 't Platform wierd e-test in Indië en loater uutgebreid noar andre landn, woarounder de Verênigde Stoatn in moarte 2021, mè video's die maximoal 1 menuut lang mochtn zyn. 't Platform is gèn zelve-stoande app, moar zit d'r in gebakken by de grotn YouTube-app. Zjuuste lyk by TikTok gèèft 't gebruukers toegaank an ingebouwde creatieve ulpmiddels, med d' meugelikheid om gelicenseerde muziek in nunder video's te zettn. 't Platform gienk ip 13 juli 2021 weireldwyd in bèta. Up 15 oktober 2024 a't platform d'n maximoalen duurtied van de shorts offysjeêl uutgebreid noa 3 menuutn.

YouTube Stories

In 2018 begost YouTube m'et testn van e nieuwe founctie die êest "YouTube Reels" wierd genôemd. D'n feature wos biena idèntiek an Instagram Stories en Snapchat Stories. YouTube veranderde de noame van d'n founctie loater noar "YouTube Stories". 't Wos ollêne moa beschikboar voe contentmoakers me mêer as 10.000 abonnees, en 't koste aollêne gepost en bekeken wordn in d'n YouTube mobiele app. Up 25 meie 2023 miek YouTube bekènd da ze dizze founctie gingen stopzèttn ip 26 juni 2023.

YouTube VR

Zie ôofdartikel: YouTube VR

In november 2016 brocht YouTube YouTube VR uut, e specioale versie med een interface vwo VR-apparoaten, vôo Google Daydream, e mobiel VR-platform ip Android. In november 2018 wierd YouTube VR uutgebrocht up d'n Oculus Store vôo de Oculus Go-headset. YouTube VR es sindsdien g'üpdatet e-wist voe compoatibiliteit med d' ipvolgnde Quest-apparoaten, en wierd ôok e-poort noa de Pico 4.

YouTube VR mak 't meugelik om by aolle YouTube-gehoste video's the kenn'n, moa 't gèèft in 't byzoender headset-toegaank vwoo 360°- en 180°-groadn video (zowel in 2D lik in steeëreoscopisch 3D). Vanof d'n Oculus Quest wierd d'n app an'epast om weie te werk'n me de mixed-reality passthrough-modes ip VR-headsets. In april 2024 krêeg YouTube VR nen update oem 8K SDR-video ip de Meta Quest 3 t'oundersteun'n.

Playables

In 2010 stak YouTube e vèrsie van Snake lik e verborgen spelletje by nunder videospeler ien. In meie 2024 brocht YouTube Playables uut, n'n eelen oop van round de 75 groatis spelletjies daddje direkt ip 't platform kowst speeln.

Automatische toaldubbing

In december 2024 gäf YouTube d'r d' funcsie van auwtomatesch'e toaldubbing by, wuk da AI (Artificiële intelligentie) gèbruukt oem testoem uut nunder zèlvn video's na verschillge an'ere tooln the vertaoln. Moar dedie founctie eît oal serieus wuk kritiek g'aed int beguun weegns 't maokn va dubbings dïe stuyf nwoar e robot kliènkn, misvertoaling'n, an 't mankeern van een ôpstie da de gèbruuker de auwto-gedubte stemn eêwgd koên uutskaekeln.

Kritiek en controverses

YouTube, e platform voe video's te dêeln, eit in de lôop van de joarn e masse kritiek gekreegn, byzoender over contentmoderoatie, anstôotgeevnden inoud, en 't verdienn van geld (monetisoatie). YouTube eit kritiek gekreegn ip stikkn van zyn bedryfsvoerienge, zyn anbevelingsalgoritmes die video's vôorstuwn die complottheorieën en leugens promootn, 't hostn van video's die under zoagezeid up kienders richtn moa die gewelddoadige of seksueel getinte inoud mè bekende figeurn bevattn, video's van mienderjoarign die pedofiele acties antrekkn in de reacties d'rounder, en 't constant verandern van de regels over wukke sôorte inoud da d'r in anmerkienge komt oem geld an te verdienn via reclame.

YouTube is ôok geblokkeerd e-wist deur verschillige landn. Teegn 2018 wos d'n oopnboarn toegaank toet YouTube geblokkeerd deur landn lik China, Nôord-Korea, Iran, Turkmenistan, Oezbekistan, Tadzjikistan, Eritrea, Soedan en Zuud-Soedan.

Privacyzorgen

Sinds d' iprichtienge in 2005 eit d'n Amerikoanschn videodeelwebsite YouTube te moakn gekreegn med e groeiend anantal privacyprobleemn, woarounder beschuldigiengn dat 't an gebruukers toestoat oem zounder toestemmienge auteursrechtelik beschermd materioal t' uploaddn en dat 't persôonlikke gegeevns van joenge kienders verzoamelt zounder d' akkôord van nunder ouders.

In september 2024 brocht de Federal Trade Commission e rapport uut dat de reacties van 9 bedryvn (waarounder YouTube) soamnvatte up d'n ipdrachtn van 't agentschap vôgns Sectie 6(b) van de Federal Trade Commission Act van 1914. Da vroeg achter informoatie over 't verzoamelen van doata van gebruukers en nief-gebruukers (inclusief kienders en tieners) en 't gebruuk van doata deur de bedryvn. 't Rapport voend da de doatapraktykn van de bedryvn round gebruukers en nief-gebruukers de menschn kwetsboar makte voe identiteitsfraude, stalking, onwettige discriminoatie, emotionele miserie en mentoale gezoendheidsprobleemn, socioal stigma en reputoatieschoade.

Censuur en verbodn

Zie ôofdartikel: Censuur ip YouTube

Stoatscensuur van YouTube-content

YouTube is gecensureerd, gefilterd of verboodn e-wist voe e masse reedns, woarounder:

• 't Beperkn van d'n oopnboarn toegaank en blôotstellienge an inoud die socioale of politieke ounruste zou kunn'n anwakkern.
• 't Teegn'oudn van kritiek ip nen leider (bv. in Nôord-Korea), de regerienge (bv. in China) of nunder acties (bv. in Marokko), regeriengsamtnoarn (bv. in Turkeye en Libië), of religie (bv. in Pakistan).
• Wettn gebaseerd ip moraliteit, bv. in Iran.

Toegaank toet bepoalde video's wudt somtyds teegng'oudn vanweuge wettn round auteursrecht en d' beschermienge van intellectueel eigendom (bv. in Duutsland), schendiengn round haatsproake, en voe 't teegn'oudn van toegaank toet video's die oungeschikt wordn g'acht voe de jeugd, wuk dat ôok deur YouTube zelve gedoan wudt mè de YouTube Kids-app en mè "beperkte mode". Bedryvn, schooln, overheidsinstelliengn, en andre privé-instelliengn blokkeern dikkers socioale media-websites, inclusief YouTube, vanweuge de bandbrêedte-limietn en de meugelikheid da de site de menschn ofleidt.

Vanaf 2018 is d'n oopnboarn toegaank toet YouTube geblokkeerd deur China, Nôord-Korea, Iran, Turkmenistan, Oezbekistan, Tadzjikistan, Eritrea, Soedan en Zuud-Soedan, mêestal wegens wettn over de vryheid van mêniengsuutienge. In sommigte landn wordt YouTube vo kortere periodes geblokkeerd, lik binst tydn van ounruste, in d'n anlôop noar e verkiezienge, of in reacsje up naderende politieke verjoardoagn. In gevoln woarby da d'n hêlen site geblokkeerd is wegens êen specifiekn video, goat YouTube d'r dikkers mee akkôord om dien video weug t' oaln of d'n toegaank te beperkn om d'n dienst weere te erstelln.

D'r kwoamn berichtn noa buutn da vanof oktober 2019 de reacties die gepost wierdn mè Chineesche karakters die de Chineesche Communistische Partye beledigdn (共匪 "communistische bandiet" of 五毛 "50 Cent Party", verwyzend noa stoatsgesponsorde commentoargeevers) automatisch binn'n de 15 secondn gewist wierdn. Specifieke incidentn woarby da YouTube geblokkeerd is e-weest, zyn ounder andre:

• Thailand blokkeerde d'n toegaank in april 2007 wegens e video die d'n Thaischen keunienk zou e-beledigd ein.
• Marokko blokkeerde d'n toegaank in meie 2007, meugeliks as gevôg van video's die kritiek addn ip Marokko's bezettienge van de Westelike Sahara. YouTube wierd ip 30 meie 2007 weere toegaankelik, achter da Maroc Telecom onoffysjeêl bekendmakte da d'n geweigerdn toegaank toet d'n website geweune e "technische stoorienge" wos.
• Turkeye blokkeerde d'n toegaank tusschn 2008 en 2010 achter controverse over video's die anzien wierdn as beledigend voe Mustafa Kemal Atatürk. In november 2010 zörgde ne video van d'n Turkschn polletieker Deniz Baykal d'rvoarn da d'n site effkes weere geblokkeerd wierd, en d'n site krêeg e dreigemènt vo e nieuwe sluutienge as ze d'n video d'r nie giengn afoaln. Binst de twêe an 'n alf joar lange blokkoade van YouTube, bleeft de videodeelwebsite d'n ip acht na mêest bezochte site in Turkeye. In 2014 blokkeerde Turkeye d'n toegaank vwo de twidde ki, achter "een uutlek van inlichtiengn ip ôog niveau".
• Pakistan blokkeerde d'n toegaank up 23 februoari 2008 wegens "anstoôtgevend materioal" teegnover 't islamitisch gelôof, waarounder 't toogn van de Deensche spotprentn van Mohammed. Da leidde toet e bykan weireldwyde platleggienge van de YouTube-site vôor e stik of twêe eurn, oemda de Pakistoansche blokkoade per oungeluk wierd overgedroegn noar andre landn. Ip 26 februoari 2008 wierd d'n ban ipgeheevn achter dat de website d' oungewenste content van zyn servers a g'oald up anvrage van de regerienge. Vele Pakistoann omzeilden de driedoagse blokkoade deur e virtueel particulier netwerk (VPN) the gebruukn. In meie 2010, na d'n Everybody Draw Mohammed Day, blokkeerde Pakistan YouTube weere, woaby dan ze weezn up de "groeiende godslasterlikke content". D'n ban wierd up 27 meie 2010 ipgeheevn, achter da d'n website d' oungewenste content aad uutegewist van under servers up vroage van de regerienge. Moar aparte video's ip YouTube die anzien wordn as anstôotgeevnd vo moslims zulln wel geblokkeerd bluuvn. Pakistan zette in september 2012 weere e ban up YouTube, achter da d'n site weigerde van de film Innocence of Muslims weug t' oaln. D'n ban wierd ipgeheevn in januoari 2016 achter da YouTube e specifieke versie voe Pakistan uutbrocht.
• Libië blokkeerde d'n toegaank ip 24 januoari 2010 wegens video's die demonstraties toogdn in de stad Benghazi deur families van gevangenn die e-dôod woarn in d' Abu Salim gevangenisse in 1996, en video's van familieleden van de Libische leader Moammar al-Qadhafi up fêestjes. De blokkoade wierd bekritiseerd deur Human Rights Watch. In november 2011, achter de Libische burgeroorlog, wierd YouTube weere toegeloaten in Libië.
• Afghanistan, Bangladesh, Pakistan, en Soedan blokkeerdn d'n toegaank in september 2012 by d' controverse roend nen 14-menuutn langen trailer vwo de film Innocence of Muslims die ip d'n site was e-post. Een rechtbank in de zudeliken Russischen Republiek Tsjetsjenië vôo-oordeelde da Innocence of Muslims moeste verboodn wordn. In Libië en Egypte krêeg d'n video de schuld van de gewelddadige protestn. YouTube eit e-zeid: "Dizze video—die vry te viendn is ip 't Web—valt dudelik binn'n ouze richtlynn en goat dus up YouTube bluuvn. Echtewel, gezièn d' enorm moeilike situoasje in Libië en Egypte, ein we d'n toegaank in aollebeie landn tydelik ingeperkt."

Verbodn deur YouTube

As gevôg va beslissiengn in 't buutnlands beleid van d' Amerikoansche regerienge eit YouTube oal d' inoud van verschillige orgoanisoasies gecensureerd:

• Achter de Russische invasie van d' Oekraïne in februoari 2022, ankoendigde YouTube ip 1 moarte 't direct weughoaln van RT (en andre zenders e-financierd deur de Russische regerienge) van nunder platform in Europa. De verwiederynge wierd assan moa rappre weireldwyd uutgebreid. Sinds latste in 2024 begosten gebruukers overoal in Rusland merkelikke doaliengn t' ervoaren by de loadsnelheedn van YouTube.
• YouTube wistte de video's en de accounts van drie mensenrechtenorganisoasies uut die den menselyke kost in d'n oorlog in Gaza documenteern. In 't begin van oktober 2025, oem te voldoen an de sancties van de Trump-administroatie teegn drie van de vôoranstoande Palestynsche menschnrechtngroepn, namelijk Al-Haq gevestigd up de Westelikken Jordoanoever, d'n Al Mezan Center for Human Rights in de Gazastroke, en d'n Palestinian Centre for Human Rights ôok gevestigd in Gaza, aolde YouTube e goeie 700 video's en d' accounts van die organisoaties dr'aof. D'r zatn by de video's ounder andre een ounderzoek da d'n rolle van Israël by 't dôodn van de Palestyns-Amerikoanschen journoleiste Shireen Abu Akleh an 't lichte brocht, ne video die de verwoestienge van Palestynse uzen up d'n Westelikken Jordoanoever toogde, e video van moeders uut Gaza die d' Israëlische anvalln addn overleefd, en getuugnissn van Palestynsche gevangenen die in Israël wierden gemarteld. De Trump-administroatie eit ôok d'n Internationaal Strafof (ICC) g'sanctioneerd, die aol ôge Israëlische amtnoarn ad an'ekloagd vwo oorlogsmisdoadn in Gaza, en ôok de ICC-officials, en iederêen die d'rvan beschuldigd wos oem nunder acties te steunn. Idder in 2025 smeet YouTube 't account en d'n video's van d' Addameer Prisoner Support and Human Rights Association toè, een Palestynsche ngo die de beandelinge ipvolgde van Palestynsche gevangenn dié in de Westeliken Jordoanoever wierdn an'ehoudn.

Socioale impact

Zie ôofdartikel: Socioale impact van YouTube

Privépersôon'n, moar evengoed grôte producsjebedryvn, ein YouTube gebruukt oem nunder publiek te vergrôten. Indie-moakers aen e graswortel-publiek da in de duzenden liep upgebouwd mè wrêed winnig kost of moeite, binst da promoasje viä de massamarktn en 't radio evêve prooblemoatisch bleek. Te gelyken tyd trokkn de beroêmdheedn uut de oude media noa d'n website ip uutnôodiging van 't YouTube-management, die oal vroeg zaegn da contentmoakers e seirieuze group volgers by mekoar kreeg'n e 'n potentieël publiek zaegn da vrêe grotter zö kunn zyn of wuk da via den tv t' oaln was. Binst da 't inkomsten-dêlende "Partner Program" van YouTube 't meugelik makte vò e dêftige boôterm the verdieenn as videoproducent—nunder vuufounderd grôtste partners verdieendn àllemoal mêêr of $100.000 in 't joar en nunder tien mêest opbriengende kanoal'n hoaldn bruto e bitje van 2,5 miljoen toet 12 miljoen dollar op—karaktriseerde e redacteur va CMU in 2012 YouTube lik een "groatis-te-gebruuken ... promootieplatform vo de platelabels." In 2013 beweirde Katheryn Thayer va Forbes da 't weirk van d' artiest'n uut 't digitoal tydperk nie allêne van grôte kwaliteït moe zyn, moa dat eigenlyk ôok reacties ip 't YouTube-platform en de socioale media moet upwekn. Video's van de 2,5% van d' artiestn die gecategoriseerd wierdn as "mega", "mainstream" en "mid-sized" reeg'n in da joar doâr 90,3% van de weergaven ip YouTube en Vevo binnen. Teegn 't begin van 2013 ad Billboard aol bekend gemakt da ze de YouTube streams by de berekeningn voe d' Billboard Hot 100 en genre-lystjes toevoegdn.

Jordan Hoffner ip de 68ste joarlikse Peabody Awards die ne prys voe YouTube in ountvangst pakt

Binst dat em ipmerkte da face-to-face communicoatie van de sôorte die online video's ofleevert oal "fyn-ofgesteld is deur miljoenen joarn van evolutie", verwees d'n TED-curator Chris Anderson noa verschillige YouTube-moakers en je beweirde da "wuk da Gutenberg deed voe 't geschreevn wôord, online video nu goat kunn'n doen voe face-to-face communicoatie." Anderson beweirde dat gèn zottigheid is oem te zeggn dat online video de weetnschappelyke vôoruutgank wrêed zoad verseirn, en da videomoakers t'ope met een uutvindinge kunn kommn die "de grotste lêercyclus in de menschelyke geschiedenisse" goat in gang steekn. In 't ounderwys byvôorbeeld, is de Khan Academy uutgegroeid van YouTube-bylessn voe de neef van uprichter Salman Khan toet wuk da Michael Noer van Forbes "de grotste schole ter weireld" noemde, mè technologie die kloarstoat oem 't lêern van menschn omme te smytn (disruptive innovation). YouTube krêeg in 2008 ne George Foster Peabody Award, en d'n website wierd omschreevn as ne Speakers' Corner die "democratie zowèl belichoamt as promoot". The Washington Post brocht njuuws datter een ounevenredig grôot dêel van de mêest geäbonneerde YouTube-kanoaln inoudt van minderheedn ad, in schril contrast mè d'n geweunen tv woa da de sterrn bykan aollêne blienke zyn. E studie van 't Pew Research Center toogde d' ountwikkelienge van "visuele journalistiek", woarin da geweune burgergetuugn en grôte njuuwsbedryvn t'ope inoud creëern. De studie concludeerde ôok da YouTube e belangryk platform an 't wordn is woarip da menschn under njuuws oaln.

YouTube eit menschn in stoat gesteld om nunder directer te moeien mè de polletiek, lik in de CNN/YouTube presidentsdebatten (2007) woarby da geweune menschn vroagen inzendn na de Amerikoansche presidentskandidoatn viä e YouTube-video, wuk datte ne mede-uprichter van techPresident deet zeggn da internetvideo 't politieke landschap aen d'n verandern wos. Over de Arabische Lente (2010–2012) citeerde de socioloog Philip N. Howard e kappe en duudelikte omschryvienge van nen activist dat 't organiseern van de politieke ounruste inield da ze "Facebook gebruukten oem de protestn te plann'n, Twitter om t' ôrganiseern, en YouTube oem 't d'n weireld te viertelln." In 2012 deende mêer as een derde van de Amerikoansche Senoat e resoelusje in die Joseph Kony veroordeelde, 16 doagn nadat de "Kony 2012" video up YouTube e-zet wierd, mè mede-indiener senoator Lindsey Graham die zèi dat den video "mêer zoad bydroagn an Kony zyn oundergank dan aolle andere acties t'ope."

Bekende YouTube contentmoakers ip bezoek in 't Witte Huus by de Amerikoansche president Obama om te klappn over oe da de regerienge beter in contact kost kommn met de "YouTube generatie".

Langs d'n andern kant eit YouTube ôok deuregeevn an de regerienge da ze makkelikker mè nunder burgers an de klap kunn geroakn; d'n offysjeeln YouTube-kanoal van 't Witte Huus wos in 2012 d'n zevensten grotste njuuwsmoaker up YouTube, en in 2013 bestelde een uutwisselienge voe gezoendheidszorg e parodische YouTube-muziekvideo by d'n Obama-imitoater Iman Crosson oem joenge Amerikoann an te moedigen oem under in te schryvn vo de zorgverzekerienge g'ënt ip de Affordable Care Act (Obamacare). In februoari 2014 ield d' Amerikoansche president Obama een ontmoetienge in 't Witte Huus mè g'oogstoande YouTube-contentmoakers, nie allêne om aandacht the vrôagn voe Obamacare, moar int algemêen oem maniern te vienden woarby de regerienge beter koste ansluutn by d'n "YouTube generatie". Tewielsn da YouTube zien ingebakken eignschap oem presidentn directer mè geweune burgers in contact te briengen wierd gezien, wierd ôok den inbreng van d'n kennis van de moakers ip 't gebiëd van nieuwe media g'oacht als nôodzakelik voe byter me d' ofleidende inoud van de site en 't wisselvallige publiek om te goan.

Sommigste YouTube video's èìn zelf ôok al e directn invloed g'ad up d'n weireld, lyk Innocence of Muslims (2012) da in 't buutnland lèiide toet protesten en anti-Amerikoans geweld. TED-curator Chris Anderson omschreef e fenomeen woabyda menschn die geogroafisch g'ïsoleerd zitt'n in een bepoald vakgebied uunder apart ountwikkelde voardigheedn deilen via YouTube video's, en doamee andren uutdaagn vo under eign kennisse te verbêtern en zo anvoelend de weetnschap vôortduwen. Journoaleist Virginia Heffernan zeide in The New York Times da zo'n video's "verrassende implicaties" èèn vwo de verspreidienge van de cultuur, e zèlfs vo de toekoemst van klassieke muziek.

Een artikel in 2017 uut The New York Times Magazine opperde da YouTube "de nieuwe talkradio" wos e-wordn voo extreem-rechts. Bykans e joar êer da YouTube up januoari 2019 ankoendigde da ze "e gelydelikke anpassinge" giengn doên om 't andoal "suggesties van grensgevollen en content die d' gebruukers schoadelik kunn e-misleiden in te perkn", a Zeynep Tufekci a in The New York Times eschreevn da, "(mè) zyn e miljard of zô gebruukers, YouTube wel e kêr eên vande machtigste radicaliseernde instrument'n van de 21ste eêuw zoud kün zyn". Ounder de nieuwe veranderiengn va YouTube zynde recommendaosie-algoritme, vervieng d'n uutereupen account e kê e dweze complotdenker lik Alex Jones (in 2016) deure Fox News (in 2019). Vôlgns een ounderzoek in 2020 peikte de bekyks van extreem-rechtse video's ip YouTube rouend 2017 e leaverde "g'roeiend body van journalistiek bewys" den indruk dat YouTube joenge gast'n d'rdeur and d'n radicaliseirn was via d'n algoritme, moa 't ounderzoek zèi da zulk e bewys te vele "bevooroordeeld was na sensationoalisme". J' voend ôok da de "mêeste conservatieve contentmoakers uut d'n mainstrieëm" et vôl trokken boavn de alt-right en extremiste video's in 2020. En ounderzoek uut 2022 ountdekte da "oundanks aolle vroentrustienge dat 't algoritme van YouTube de menschn noar een extreem rechtse fuik binnentrekt mè zyn suggesties, e'r eigenlik weinig reëel bewys bestoat om da t' oendersteun'n", en da de "blôotstellienge" an die video's vôoral oundervounn' wos by e klêne group menneschn mè vanof't begin aol hêel ôge niveau's an seksisme en raciale haat. En ounderzoek in 2024 deur d' Institute for Strategic Dialogue voend da YouTube hêel dikkers Christelikke video's en rechts-leunende "culture war"-video's va Fox News en va mannelykke lïfestyele-influencers deid aanbeveiel'n an accounts die nog nôit interesse getoog'd ad'n d'rvöôrn in zo'en soôrt theemas.

The Legion of Extraordinary Dancers en 't YouTube Symphony Orchestra koôzn nunder leed'n uut ip basis van individuele videoprestaties. Doaboovenup wierd de lôterdoadige cyber-collab video "We Are the World 25 for Haiti (YouTube edition)" e-makt deur de prestaties van 57 zangers oaver êel de weireld in êen muzikaal weirk t'ope te smieten, woaby da The Tokyo Times de "We Pray for You" YouTube cyber-collab video e-noemd èt as e vôorbeeld van de trend oem crowdsourcing voe goeie doeln te gebruukn. De anti-pestcampagne It Gets Better Project groeide uut van eên eênigste YouTube-video g'richt up ountmoedigde of zelfmôordneigende LGBT tieners, da binn'n de twêe moandn video-antwôordn krieêg van uunderden menschn waarounder d'n Amerikoansche president Barack Obama, Vicepresident Biden, persoenêel van't Witte Huus, en en oop ministers. Op 'n gelykôardige maniere wierd er in reactie up de video "My story: Struggling, bullying, suicide, self-harm" van de vuvtienjoarige Amanda Todd bykans oenmiddelyk achter eur zelfmôord wettelyke acties oundernoom'n om 't vôorkomm'n van pestn t' ounderzoekn en e nationoale anti-peststrategie up te zettn. In meie 2018, achter da de Londense Metropolitan Police beweirde da UK drill-muziekvideo's die 't geweld veroêrlykt'n e brònne woarn van bendegeweld, eit YouTube 30 video's uutewist.

Finansjes

Vôo 2020 gaf Google gèn gedetailleerde cyfers voe de lôopnde kostn van YouTube, en d' inkomstn van YouTube in 2007 wierdn in een offysjele anangifte omschreevn as "nief materieel". In juni 2008 schatte een artikel in 't tydschrift Forbes d' inkomstn voe 2008 up 200 miljoen dollar, woaby dan ze weezn up vôoruutgank in d'n verkoop van reclame. In 2012 wierdn d' inkomstn van YouTube uut nunder reclameprogramma geschat up 3,7 miljard dollar. In 2013 wos da bykans verdubbeld en wierd d'r geschat da 't de 5,6 miljard dollar gienk oaln vôgns e-Marketer, tewielst dat andren 't up 4,7 miljard dollar schattn. 't Grôtste dêel van de video's ip YouTube is groatis te bekykn en wudt oundersteund mè reclame. In meie 2013 brocht YouTube e proefsysteem uut mè 53 betoalde kanoaln woavan de pryzn varieerdn van $0,99 toet $6,99 de moand. Die zet wierd aanzien lik e pogienge oem de concurrentie an te goan med andre anbieders van online abonnementsdienstn lik Netflix, Amazon Prime, en Hulu.

Google brocht in februoari 2020 voe d'n êeste kjei exacte inkomstencyfers uut voe YouTube, as dêel van 't financieel rapport van Alphabet voe 2019. Vôgns Google aad YouTube in 2019 vôo 15,1 miljard dollar an reclame-inkomstn binneng'oald, in teegnstellienge toet 8,1 miljard dollar in 2017 en 11,1 miljard dollar in 2018. D' inkomstn van YouTube maktn in 2019 bykan 10% uut van de totoale inkomstn van Alphabet. Dizze inkomstn zörgden voer oungeveer 20 miljoen abonnees gecoembineerd tusschn YouTube Premium en YouTube Music, en 2 miljoen abonnees voe YouTube TV. YouTube aad 29,2 miljard dollar an reclame-inkomstn in 2022, e stygienge van 398 miljoen dollar in vergelykienge mè 't joar d'rvoorn. In 't twidde kwarteel van 2024 steeg de reclame-inkomste noa 8,66 miljard dollar, e stygienge van 13% teegnover 't êeste kwarteel.

Soamenweirkienge mè bedryvn

YouTube gienk in juni 2006 e marketieng- en reclamepartnerschap an mè NBC. In moarte 2007 slootn ze een akkôord mè de BBC voe drie kanoaln mè BBC-inoud, êen voe njuuws en twêe voer entertainment. In november 2008 kwam YouTube toet een akkôord mè MGM, Lions Gate Entertainment, en CBS, wuk dat an die bedryvn de toeloatienge gaf oem vulledige films en tv-ofleeveriengn up d'n site te zettn, mè advertensjes by in e sectie voe Amerikoansche kykers genôemd "Shows". Die zet was bedoeld oem d'n concurrentie an te goan mè websites lyk Hulu, da materioal van NBC, Fox, en Disney anbiedt. In november 2009 lanceerde YouTube e versie van "Shows" beschikboar voe de kykers in 't Verênigd Keunienkryk, med e goeie 4.000 vulledige shows van mêer as 60 partners. In januoari 2010 brocht YouTube een uurdienst vo films uut, beschikboar in verschillige landn, en tv-programs kunn'n e-kocht wordn in êentige landn. D'n dienst biedt mêer as 6.000 films an.

2017 reclameboycot

In moarte 2017 trok de regerienge van 't Verênigd Keunienkryk zyn reclamecampagnes weug van YouTube, achter njuuws da nunder advertensjes getoogd woarn up video's med extremistische inoud. De regerienge eiste garansies da nunder reclame "up e veilige en gepaste maniere gienk geleverd wordn". De gazette The Guardian, tegoare mè noch andre grôte Britsche en Amerikoansche merkn, pauzeerdn up dezelste maniere nunder reclame up YouTube lik reactie ip 't feit da nunder advertensjes verschêenen by anstôotgeevnde inoud. Google zèi da ze "begunn'n woarn an e groendig ounderzoek van uunze reclame-richtlynn en da we oopnboar de belofte èin gemakt vo anpassiengn deur te voern die an merkn mêer controle geevn over woa da nunder reclame getoogd wudt".

In 't begin van april 2017 brocht 't YouTube-kanoal h3h3Productions bewys an woarin dan ze zeiden dat een artikel in de Wall Street Journal screenshots aad e-fabriceerd da grôte merk-reclames toogde ip een anstôotgeevnde video woarip da muziek van Johnny Rebel was e-zet boovn ip e muziekvideo van Chief Keef, doaby zeggnd da d'n video zelve hêlegans gèn reclame-inkomstn aad g'oald voe d'n uploader. D'n video wierd weugg'oald achter dat uutkwam da d' advertensjes getriggerd woarn deur 't gebruuk van auteursrechtelik beschermd materioal in d'n video. Up 6 april 2017 makte YouTube bekend da ze, oem "te zörgen dat 't inkomsten allêne noa moakers goat die nunder an de regels oudn", nunder beleid giengn anpassn oem te verêisn dat e kanoal e policy check moe oundergoan en minstens 10.000 lifetime views moe èin, vôorn da ze by d'n YouTube Partner Program kunn kommn.

Inkomstn van YouTubers

Totoale joarlikse inkomstn van de top tien YouTuber accounts, en d' inkomstn van de mêest verdienende account voe 2017

In meie 2007 lanceerde YouTube nunder Partner Program (YPP), e systeim gebaseerd up AdSense wuk dat an d'n uploader van de video toestoat oem d' inkomstn van de reclame up d'n site te dêeln. YouTube pakt mêestal 45 percent van de reclame-inkomstn by video's in 't Partner Programma, woaby da 55 percent noa d'n uploader goat. D'r zyn mêer as twêe miljoen leedn in 't YouTube Partner Program. Vôgns TubeMogul kostte e pre-roll advertensje up YouTube (êen die getoogd wudt vôorn dat d'n video begunt) in 2013 advertêerders gemiddeld $7,60 voe elke 1.000 views. Mêestal eit ni mêer as d'n elft van de in anmerkienge kommende video's e pre-roll advertensje, wegens e tekort an geïnteresseerde advertêerders.

De regels van YouTube beperken bepoalde sôorten inoud oem ingesloten te zyn in video's die an reclame verdienn, waarounder video's mè geweld, grof toalgebruuk, seksuele inoud, "controversiële of gevoelige ounderweirpen en gebeurtenissen, met ounder andre ounderweirpen die te moakn èin mè oorlog, politieke conflictn, nateurrampn en tragedies, zelfs of datter gèn expliciete beeldn getoogd wordn" (tenzy dat d'n inoud "mêestal njuuwsweirdig of komisch is en d'n moaker de bedoelinge èit om te informeren of t' amuseern"), en video's woarvan da d' reacties van gebruukers "oungeschikten" inoud bevattn.

In 2013 brocht YouTube een optie uut voe kanoaln mè minstens duusd abonnees om e betoald abonnement te vroagn an kykers oem nunder video's te bekykn. In april 2017 stelde YouTube een êis in van minstens 10.000 lifetime views voe e betoald abonnement. Ip 16 januoari 2018 wierd dizze êis voe de monetisoatie an'epast noa 4.000 euren kyktied binn'n de latste 12 moandn en 1.000 abonnees. Dizze zet wierd gezien as een maniere oem te zörgn da video's woa geld an verdiend wierd gèn controverse veroôrzakten, moa krêeg kritiek oemda 't nadeelig wos vwo de klindere YouTube-kanoaln. YouTube Play Buttons, e stik van de YouTube Creator Rewards, zyn een erkennienge van YouTube vô nunder mêest popelaire kanoaln. De trofeeën zyn gemakt van e vernikkeld koper-nikkellegeersel, goud-verplat messing, zilver-verplat metal, robyn, en ròôd-getint kristalglas. Ze wordn uutgedeild an kanoaln mè minstens eounderdduusd, êen miljoen, tien miljoen, vuvtig miljoen, en eounderd miljoen abonnees, respectievelik.

De regels van YouTube oemtrent "adverteerder-vriendelikken inoud" begreenzn wa datter gebruukt meugt wordn in video's woa da geld an e-verdiend wudt; dad is ounder andre zwoar gewèld, toal, seksuel'n inoud, en "controversiële of gevoelige ounderweirpen en gebeurtenissn, met ounder andre ounderweirpen round oôrlog, politieke conflictn, natèûrrampn en tragedies, zèlfs a zyn der gèn expliciête beeldn", tenzy da d'n inoud "normoâl geziên nieuwswêerdig of komiek ês è d'n môaker wil informêern of amuseren". In september 2016, achter da ze e bygeweirkt notificaotsiesysteem èin e-lanceerd oem de gebruukers the waorschuwen round dié overtrediengen, krêegn de regels van YouTube seirieus under vet van bekende moakers, waarounder Philip DeFranco en de Vlogbrothers. DeFranco zèèi da 't ni mêer meugen oalen van reclame-inkomstn ip zudane video's "censuur wos ounder en andre noame". N'n wôordvoereire van YouTube stelde da d' regel ni nieuw wos, moa da d'n dieënst geweune "de nôtificotie e 't b'roepsprocess add'n verbeterd om beter the communiceern mè ouze moakèrs". Boing Boing ràporteirde in 2019 da 't gebruuk van LGBT-zoèkwôorden uutmondde in demonetisoatie. In de Verênigde Stoatn vanof november 2020, en in juni 2021 wêireldwyd, be'oudt YouTube nunder 't reht voe êentig wukke video ip 't platform the monetiseirn, zeilfs of d'n upoloader geèn lïed es va 't YouTube Partner Program. Dit goat gebeurn ip kanoaln woavan da den inoed anzien weird as "advertêerder-vriendelik", e gans aolle inkomste goa rêhstrêeks nòar Goögle zoundr datr etwa e-dêeld wordt met d'n uploader.

Inkomstn vwo d' iegnoars van 't auteursrecht

't Mêeste van YouTube zyn reclameopbriengst goat nà de publischeêrders en d' videomoäkrs diê 't reht ëïn ip nunder video's; d'ouonderneiemienge zelve ouwd 45% van 't reclamegjèld biè. In 2010 wierd er geràpportertd da bykàn êen dêrde van de video's mè reiclâmes upgeiloàd wörd'n zounder tòeloatïênge van d' iegnoars va 't autheùrsrecht. YouTube gëëft d' optie an d' oudrs van 't auteursrecht òem nunder videô's ip te zoeèk'n en d'raf th' haeln òf oem ze voêrt te lôtn dràojn vo geld ip the briengn. In meie 2013 begoest Nintendo nunder auteursrecht up te fôrsheër'n è de rèclämeinkomsten op t' eëisen va de videômäkers die schermafbeeldiengn (screenshots) va nunder spèllen tôogdn. In febrewârì 2015 kwaam Nintendo toet een akkòord óëm 't gjêld te dêeln me de videömöakers via 't Nintendo Creators Program. Ip 20 moarte 2019 makte Nintendo up Twitter bëkênd dat 't bedrÿyf gienk stoppen mët 't Creadêursprogramma. D' uutvoeèriênge dërrvan stoempte up 20 moarte 2019 tiiège eêndtê.

Zie ôok

• Rechtszoakn
  • Garcia v. Google, Inc.
  • Ouellette v. Viacom International Inc.
  • Viacom International, Inc. v. YouTube, Inc.
• Lystn
  • Vergelykienge van videohosting-dienstn
  • :Zie ôofdartikel: Lyste van Google Easter eggs (YouTube)
  • Lyste van internetfenomeenn
  • Lyste van mêest gedislikte YouTube-video's
  • Lyste van mêest gelikte YouTube-video's
  • Lyste van mêest geabonneerde YouTube-kanoaln
  • Lyste van bestbekeekn YouTube-video's
  • Lyste van online videoplatformn
  • Lyste van YouTubers
• Alternatieve media
• blip.tv
• BookTube
• BreadTube
• CNN/YouTube presidentsdebatten
• :Zie ôofdartikel: Kritiek up Google (Algoritmes)
• Google Video
• iFilm
• Invidious – E groatis en open-source alternoatieve vôorkant (frontend) vo YouTube
• Metacafe
• Multi-channel network
• Reply girl
• Revver
• VideoSift
• vMix
• YouTube Awards
• YouTube auteursrechtprobleemn
• YouTube Creator Awards
• YouTube Instant
• YouTube Live
• YouTube Music Awards
• YouTube Poop
• YouTube Rewind
• YouTube Theater

Vôordere lektuur

• Bergen, Mark (2022). Like, Comment, Subscribe: Inside YouTube's Chaotic Rise to World Dominance. New York: Viking.
• Dickey, Megan Rose (15 februoari 2013). The 22 Key Turning Points in the History of YouTube, Business Insider.
• Kelsey, Todd (2010). Social Networking Spaces: From Facebook to Twitter and Everything In Between. Springer-Verlag.
• Lacy, Sarah (2008). The Stories of Facebook, YouTube and MySpace: The People, the Hype and the Deals Behind the Giants of Web 2.0. Richmond: Crimson.
• Munger, Kevin; Hindman, Matt; Yalcin, Omer; Phillips, Joseph; Bisbee, James (2025). "Pressing Play on Politics: Quantitative Description of YouTube". Journal of Quantitative Description: Digital Media. 5.
• Spangler, Todd (6 moarte 2025). YouTube at 20: How the Video Colossus Launched the Creator Economy and Turned From Hollywood Foe to Friend, Variety.
• Walker, Rob (28 juni 2012). On YouTube, Amateur Is the New Pro, The New York Times.

Externe koppeliengn

• Offysjeeln website