ويكيبيديا:طريقة الكتابه
طريقة الكتابه فى ويكيپيديا مصرى, النسخه المصريه من Wikipedia, مكتوبه باللغه المصريه الحديثه اللى بيتكلمها المصريين و مكتوبه زى ما بيكتبوها فى جواباتهم لبعضيهم و فى حياتهم اليوميه. المصريين بيكتبو المصرى فى الروايات, و المسرحيات, و القصايد الشعبيه و كمان فى المجلات الكوميدى و الاعلانات و شوية جرانين.
ممكن يتكتب المصرى بأى طريقة طالما اى مصرى ممكن يفهمها. ما دام تعرف تكتب بالمصرى, اكتب اللى تعرفه فى ويكيپيديا مصرى.
مبادئ عامه
- خد راحتك فى الكتابه طالما مش بتتحيز.
- حاول تحط المصادر اللى جبت منها كلامك و ماتغيرش الاملا فى عناوين المصادر.
- اكتب, عدّل, ترجم, حول المقالات بس ما تهينش حد.
- اكتب بالشكل اللى يعجبك, بس القاهريه هيه الطريقه المشهوره لكتابة الكلام المصرى, المهم يفهمها المصريين.
- حاول تكون محايد.
- ما تشهّرش بحد.
- ما تنقلش مواد ليها حقوق نشر محفوظه.
- حاول تسجل دخولك علشان مساهماتك تتسجل بإسمك مش بعنوان الIP بتاعك, و ماتنساش تمضى بـ~~~~ فى صفح المناقشه.
- الغلطات الاملائيه هاتحصل هاتحصل, مافيش مشكله, لإن كل واحد من اليوزرات ممكن يصلحها.
- حاول دايما تشرح سبب تعديلاتك و بالذات سبب استرجاعك لتعديلات واحد من اليوزرات التانيين.
- حاول تشجع و تساعد المساهمين الجداد.
- ويكيپيديا هى موسوعه مفتوحه. ممكن تعدّل و تزوّد فيها, و لو شايف حاجه غلط, صلّحها, طالما مش بتتحيز.
تنظيم
- زى ما الصفحه دى مكتوبه, العناوين فى كل جزء مهمين. زى "شوف كمان" او "وصلات".
- ممكن كل عنوان يكون فيه عناوين فرعيه.
- المصادر تتكتب بأسلوب موحد.
- المحتويات بتظهر لما يكون فى الصفحه اكتر من تلات عناوين.
- وصل الصفحات ببعضها بيسهل ان الصفحات تتشاف اكتر.
ارشادات على الإملا
فيه طرق متماشا عليها فى ويكيپيديا مصرى بعد سنين من التجارب و المناقشات, مشروحه بالتفصيل تحت.
- لو اخترت تكتب فى مقاله بطريقة املا معينه, لو سمحت التزم بنفس الطريقه فى باقى المقاله.
- ما ينفعش يتكتب بكزا طريقه فى مقاله واحده و فى نفس السطر, و ماينفعش تتكتب كلمه واحده بكزا طريقه فى نفس المقاله. الاستثنا: لو اتوضّح انها بتتكتب بكزا طريقه فى الاول.
- لو سمحت ماتغيّرش فى طريقة الاملا فى المقالات, طول ما المقاله كلها مكتوبه بطريقة املا موحده. و لو عاوز تزوّد عليها, اكتب بنفس طريقة الاملا بتاعتها.
- المقالات اللى املتها مش موحده, فيه حسابات بوت بتحاول توحدها زى الارشادات اللى فى الصفحه دى.
- ممكن تستعمل الحروف دى فى العناوين: ا أ إ آ ء ئ ب ت ث ج ح خ د ذ ر ز س ش ص ض ط ظ ع غ ف ق ك ل م ن ه ة و ي ى.
- ممكن تستعمل حروف بتوضّح النطق جوّا الصفح, زى پ چ ڤ.
- السبب هو ان الحروف دى فى العناوين بتخلى المقالات ماتظهرش فى سايتات التدوير, زى مثلا جوجل, لإن ماحدش هايكتب بيهم و هو بيدور على جوجل.
- حرف چ هو لنطق /ʒ/ زى ما بيستخدم فى مصر فى كلمة "چاكيت" او "چيبه", مش /t͡ʃ/ الفارسى! النطق التانى بيتكتب بـ تش.
- حرف ڤ هو لنطق /v/ زى ما بيستخدم فى مصر, مش ڨ التونسى-الجزايرى اللى بيستخدم لنطق /ɡ/. النطق التانى بيتكتب بحرف الـ ج.
- اكتب فيفا او ڤيڤا. اكتب ايفا او ايڤا, مافيش مشكله.
اهم حاجه تلتزم بطريقة املا موحده فى كتابة الكلام فى نفس الصفحه. بص تحت على الكتابه بالألف-به اللاتينى.
ق
لو فيه كلمه من أصل عربى فيها حرف "ق", يتساب زى ما هو.
ث
لو فيه كلمه من أصل عربى او أى لغه فيها حرف/نطق "ث" و بيتنطق \س\, يتساب زى ماهو. و لو بيتنطق \ت\ يتكتب <ت>.
ذ
لو فيه كلمه من أصل عربى او أى لغه فيها حرف/نطق "ذ" و بيتنطق \ز\, يتساب زى ماهو. و لو بيتنطق \د\ يتكتب <د>.
ى
لما مش بيكون فى حالة الألف اللينه, حرف ال"ى" هو الشكل التقليدى فى اخر الكلام و اللى ماتغيرش فى مصر. كتابته من غير نقطتين اخر الكلام هى الطريقه اللى سكان وادى النيل متعودين عليها. "ى" او "ي" هما حرف واحد.
ج
فى مصر, الاسامى الاجنبيه اللى فيها نطق /ɡ/ بتتكتب بالحرف العربى ج, مش بالـغ.
ته التأنيث
ته التأنيث بتتكتب حسب النطق. فى حالة الاضافه لما بتتنطق زى الـ\ت\, بتتكتب ⟨ـة⟩. فى الحالات التانيه بتتكتب ⟨ـه⟩.
- امثله
- <ازازة مايه>, <ملكة انجلترا>, <جنينة الاسماك>
- /ʔeˈzæːzet ˈmɑjjɑ, ˈmæleket enɡelˈterɑ, ɡeˈneːnet elʔæsˈmæːk/
- <حريه شخصيه>, <كوره فى ملعب>, <چيبه قصيره>
- /ħorˈrejjæ ʃɑxˈsˤejjɑ, ˈkoːrɑ f(e)ˈmælʕæb, ˈʒiːbæ ʔ(o)sˤɑjˈjɑrɑ/
الهمزات
همزة القطع و همزة الوصل هما مصطلحات مقصود بيها فى العربى كتابة و نطق الألف من غير همزه, او فوق او تحت (أ, إ, ا) فى أول الكلام.
المتماشى عليه فى ويكيپيديا مصرى هو كتابتهم بألف من غير همزه و اختيارى بهمزه لتوضيح النطق.
- كلام لازم يتكتب بالهمزه:
- الكلام اللى بيبدأ بألف-لام:
- ألف /ˈʔælef, ʔælf, ʔæˈlef/ (اسم الحرف ⟨أ⟩, رقم 1000, تصريف فعل يلف)
- ألف-به /ˈʔælef be/ بتتجنب نطق /elˈfe be/ الـ فه-به.
- إليزابيث Elizabeth /eˈlɪzæbes/ بتتجنب نطق /eljæzæˈbiːs/ الـ يزابيث.
- إلفس Elvis /ˈelvɪs/ بتتجنب نطق /elˈfes/ الـ فس.
- ألفريد Alfred /ˈælf(e)red/ بتتجنب نطق /elfæˈriːd/ الـ فريد.
- ألنبى Allenby /ˈælenbi/ بتتجنب نطق /enˈnabi/ الـ نبى و /elˈlembi/ اللمبى.
- الكلام اللى فيه ألف بهمزه وسط الكلام:
- تأمين, تأويل, مأمون
- باقى اشكال الهمزات:
- مؤلف, شىء, بدائى
- بعد الclitics فى بعض الحالات, زى <بـ, كـ, لـ, فـ>
- بإسم /beˈʔesm/, علشان تتفرق من <باسم> /ˈbæːsem/
- كإن /kæˈʔen/, علشان تتفرق من <كان> /kæːn/
- لإن /læˈʔen/
- فأول, فـ اول, ف اول /fæˈʔæwwel/
- ألف-مده ⟨آ⟩
- "آل" /ʔæːl/, بمعنى عيله, كلمه بتستخدم كتير فى نظام التسميه فى شبه الجزيره العربيه, عشان تتفرق بين اداة التعريف الـ /el/
- الصوت ده غالبا بيتقصر فى فونولوجيا اللغه المصرى الحديثه و بيتحول لـ "أ" عاديه. مثلا: أسيا, أرامى (بدل آسيا, آرامى), لكن قرآن (كتابه بديله قرءان), لإن فى الحاله الاخيره, الجزء من الكلمه متركز عليه (stressed)
- الكلام اللى بيبدأ بألف-لام:
| العربى (اجباريه حسب نوع الهمزه) | المصرى (اختياريه لتوضيح النطق) | |||
|---|---|---|---|---|
| /besm/ | باسم | /beˈʔesm/ | بإسم | |
| /ˈbæːsem/ | /ˈbæːsem/ | باسم | ||
| /ʔæ-, ʔɑ-, ʔe-/ | أمجد, أمر, أمارة, إمارة, إشارة | /æ-, ɑ-, e-/ | أمجد, أمر, أماره, إماره, إشاره | |
| /ʔæw-, ʔɑw-/ | أول, أولوية, أوصل | /æw-, ɑw-/ | أول, أولويه, أوصل | |
| /e-/ | افعال الامر: (همزة وصل) استخدم, استعمل, اسمع, اعمل, افتح, ارفع, انزل | /e-/ | افعال الامر: (اختياريه) إستخدم, إستعمل, إسمع, إعمل, إفتح, إرفع, إنزل | |
| /ʔo-/ | أوروبا, أوكرانيا, أوتوبيس, أمم | /o-/ | اوروپا, اوكرانيا, اوتوبيس, امم | |
| بعد الألف-لام: (حسب نوع الهمزه) الأمم, الأوكرانى, الإنترنت, الاستمرار, الاستلام اخر حالتين بيتنطقو كإن مافيش صوت همزه /ælestemˈrɑːr, ælesteˈlæːm/ |
بعد الألف-لام: (اختياريه) الأمم, الأوكرانى, الإنترنت, الإستمرار, الإستلام اخر حالتين عادة بيتنطقو \لـ\ كإن مافيش ⟨أ⟩ /lestemˈrɑːr, lesteˈlæːm/ | |||
فى النطق المصرى, صوت الهمزه /ʔ/ (glottal stop) مش بيبان الا فى التشديد (emphasis) و عشان الكلام يتفصل عن بعضه, بعكس النطق العربى اللى بينطق صوت الهمزه على حسب اصل الكلمه.
ادوات الجر و ادوات العطف
كتابة ادوات الجر و ادوات العطف اوضح و اسهل للقرايه لو تتكتب مفصوله عن الكلمه اللى بتيجى قبلها.
- <و>: نطق: /we, w, wi(ː)/
- <مصر و السودان>
- <ماجد و وليد>
- استثنا: <ولو> (نطق: /ˈwælæw/): اللى بتيجى بمعنى "مع ان" او "حتى لو"
- <فى>: نطق: /fe, f/: اللى بتيجى بمعنى "جوا"
- <ف>: نطق: /fæ/: اللى بتيجى بمعنى "علشان كده"
- <ف اوروپا, فـ اوروپا, فأوروپا>: علشان كده اوروپا
- <ف يوتا, فـ يوتا, فيوتا>: علشان كده يوتا
- <ف يافا, فـ يافا, فيافا>: علشان كده يافا
علامات التشكيل
علامات التشكيل ساعات بتكون مهمه لو نفس الكلمه كان مش واضح نطقها من السياق و ليها اكتر من معنى لو اتنطقت بكزا طريقه.
النقطه و الفصله
النقطه و الفصله مهمين جدا علشان سهولة القرايه. بيتكتبو لازقين فى الكلمه اللى اتكتبت قبلهم, و بعدهم مسافه.
الاسامى
اكتب الاسامى زى ما المصريين بيكتبوها, يعنى اكتب عن <ڤينيسيا> مش عن <البندقية> و اكتب <انجلترا> مش <انكلترا>. و اكتب <ألبرت أينشتاين> مش <أينشتاين, ألبرت>; و Oh Ji-Min زى ما المصريين متوقعين يكتبوه و ينطقوه: <او چى مين>.
الارقام
الارقام و علامات التنصيص المتعلقه بيها تتكتب زى الارقام العالميه: 123,456,780.9%, زى المعتاد على الانترنت. ممنوع كتابة الارقام العربيه-الهنديه اللى الزيرو بتاعها زى النقطه: ١٢٣،٤٥٦،٧٨٠,٩٪.
- ارقام الكسر بتنفصل بـ ⟨
.⟩ - الارقام الكبيره بتنفصل بعد كل تلات نمر بـ ⟨
,⟩ - علامة المئويه: ⟨
%⟩
ليه تمصير الكلام؟
- المقاله الرئيسيه: ويكيپيديا:أسئله متكرره
لما المصرى يتكلّم عن حاجه حديثه بيمصر الكلمه الاجنبى; مثلاً كلمة سييڤ الصفحه, كلمه جايه من ”save“ استعملت هنا لإنها مستعمله فى اللغه المصرى, و كلمة احفظ معناها ”افتكر“ زى ما يكون فى المذاكره, لو بيتكلم عن حاجه فى الكمپيوتر بيمصر الكلمه الاجنبى, زى الديسك و الدرايڤ و السكرين.
اسلوب الكتابه
الا لو كان نقل حرفى لـ كلام حد قاله, ابعد عن استعمال الضماير الشخصيه فى المقالات و الاسلوب الموجّه, زى (انا, احنا...), علشان الطريقه دى مش موسوعيه.
مثال: ”احنا مصريين - احنا عرب - زى ما حاربـنا اربع حروب فى 25 سنه. احنا لينا روابط مع اليونانيين و مع الايطاليين و غيرهم من الجيران [...] و علشان مايجلكش زهايمر الحق نفسك و روح استشير“.
المقالات اللى بالألف-به اللاتينى
- مقاله رئيسيه: ملاحظات ع الكتابه اللاتينى, مقالات باللاتينى
فيه شويه صغيره من المقالات فى ويكيپيديا مصرى منها نسخ بالألف-به اللاتينى لإن كان فيه اقتراح من سنة 1944 لكتابه العربى[1] بالحروف اللاتينى, و رغم ان اغلبية المصريين مش متعوّدين ع الألف-به اللاتينى, فيه مواد قليله جداً فى ويكيپيديا مصرى بحروف لاتينى (الفرانكو) للى عاوز يكتب بيها.
الاقتباسات اللى باللغه العربى
الاقتباسات اللى بالعربى الكلاسيكى او العربى القياسى الحديث اللى بتبقى مكتوبه بالحرف على لسان حد او الأشعار:
- الهمزات: بنفس قواعد العربى القياسى الحديث او بنفس طريقة المصدر.
- ى: <ى> اخر الكلام من غير نقط زى ما بتستعمل فى مصر.
- ته التأنيث: بنفس قواعد العربى القياسى الحديث او بنفس طريقة المصدر.
- ادوات الجر و ادوات العطف: بنفس قواعد العربى القياسى الحديث او بنفس طريقة المصدر.
- علامات التشكيل: شوف الجزء الخاص بالتنظيم.
شوف كمان
مصادر
- ↑ فهمى، عبد العزيز (1944). الحروف اللاتينية لكتابة العربية. ص. 153. اطلع عليه بتاريخ 2019-08-08.
| المحتوى ? |
| ||||||||
|---|---|---|---|---|---|---|---|---|---|
| السلوك ? |
| ||||||||
| المسح ? |
| ||||||||
| تنفيذ السياسات ? |
| ||||||||
| التحرير ? |
| ||||||||
| محتوى المشروع ? |
| ||||||||
| ويكيميديا ? |
| ||||||||
 سياسات ويكيبيديا •  ارشادات ويكيبيديا | |||||||||
