nasin toki

lipu ni li toki e nasin tawa toki, sama toki pona, sama toki Inli, sama ijo ante. nimi "toki" lon kon nanpa wan la, o lukin e lipu "toki". nasin lawa pi nasin toki la, o lukin e lipu "lawa toki"

lipu kiwen pi sitelen toki

mama ona li ken ala kute la, ona li kama sona e toki luka Mewika

sitelen toki nena

nasin toki anu toki taso li nasin tawa toki, li jo e sijelo e lawa toki e kulupu nimi. jan li wile tawa e sona la, ni li nasin nanpa wan, kepeken toki uta, anu kepeken sitelen, anu kepeken luka. nasin kulupu li ante la, tenpo li ante la, nasin toki li kama ante. pali en tawa li kama pona tan ona, tan ni: jan li ken toki e ijo, anu tenpo, anu sona lon tenpo toki ala. wile jan en kama sona li lawa e kepeken pi nasin toki.

nasin toki jan li kama tan seme?

tenpo pini la, jan li open toki. jan li sona ala e nasin pi kama toki. toki mute pi kama toki li lon: jan mute li pilin e ni: tenpo suli la, toki jan li kama. taso, jan ante li pilin ante e ni: jan li open toki lon tenpo wan tan soweli li kama tan mama li kama ante lon tenpo mute wan.

nasin toki jan

jan li pana e lipu toki tan uta ona.

sitelen pi toki Iwisi pi toki Alapi pi toki Inli pi toki Losi

jan li esun e sona kepeken nasin toki. jan la, nasin toki li ken jo e nimi mute. jan li toki kalama la, jan li pali e kalama kepeken uta. ona li wile e ni: jan ante li kute e kalama nimi li ken sona e wile ona. jan ante li ken toki kepeken luka ona. jan ni li toki e nimi kepeken luka ona li wile e ni: jan ante li lukin e luka ona li ken sona e wile ona. ni la, toki ni li toki luka.

toki li kama toki mama pi jan ala la, toki li kama toki moli. toki Lasina en toki Sankita li toki moli.

nasin toki mute li lon ma. taso, nasin toki li sama mute. jan mute li pilin e ni: jan tu li toki kepeken nasin toki ante, li sona e toki pi jan ante la, toki pi jan tu li toki sama. taso, jan ante li pilin e ni: nasin jan en nasin lawa la, nasin toki li ken toki sama anu ken toki ante. pilin ni la, jan li toki e ni: toki li jo e kulupu utala e kulupu utala telo la, toki li toki ante. (toki Inli la: A language is a dialect with an army and navy.)

nasin toki uta mute lon ma

jan mute mute li kepeken toki Inli. ona li tan ma Inli. lon ma Sonko la, jan mute mute li kepeken toki Sonko. ken la, jan li kepeken toki sin. jan li pali e toki sin. toki sin li mute kin. toki Epelanto en toki Losupan en toki pona li toki sin.

nasin toki tan ma Asija:

• toki Anku
• toki Nijon
• toki Sonko

nasin toki tan ma Elopa:

• toki Elena
• toki Epanja
• toki Inli
• toki Isilan
• toki Kanse
• toki Lasina
• toki Losi
• toki Nosiki
• toki Tansi
• toki Tosi
• toki Wensa

nasin toki sin:

• toki Epelanto
• toki Losupan
• toki pona