နိုင်ငံတော် သမ္မတရုံး

နိုင်ငံတော်သမ္မတရုံး

ပြည်ထောင်စုအစိုးရအဖွဲ့အစည်း
အစိုးရအဖွဲ့အစည်း အကျဉ်းချုပ်
အဖွဲ့အစည်းအမျိုးအစား	ဝန်ကြီးဌာနအဆင့်ရုံး
ဌာနချုပ်	သမ္မတအိမ်တော်၊ နေပြည်တော်
ဝန်ကြီးများ	ခင်မောင်ရီ၊ ပြည်ထောင်စုဝန်ကြီး ခင်လတ်၊ ဒုတိယဝန်ကြီး
မိခင်အဖွဲ့အစည်း	ပြည်ထောင်စုအစိုးရအဖွဲ့
ဝက်ဘ်ဆိုက်	myanmar-president-office.gov.mm/my

နိုင်ငံတော်သမ္မတရုံး သည် ဝန်ကြီးဌာနအဆင့်ရှိ ရုံးလုပ်ငန်းအဖွဲ့အစည်း တစ်ခု ဖြစ်သည်။ သမ္မတ ဦးမင်းအောင်လှိုင်အစိုးရလက်ထက်တွင် နိုင်ငံတော်သမ္မတရုံးနှင့် "နိုင်ငံတော်သမ္မတရုံးဝန်ကြီးဌာန" ဆိုပြီး နှစ်ခု ထားရှိသည်။

နိုင်ငံတော်သမ္မတရုံးကို ပြည်ထောင်စုဝန်ကြီး ဦးခင်မောင်ရီက ဦးဆောင်သည်။

သမိုင်းကြောင်း

နိုင်ငံတော်သမ္မတရုံးသည် ဦးသိန်းစိန်အစိုးရလက်ထက် ၂၀၁၁ ခုနှစ်တွင် စတင်ဖွဲ့စည်းခဲ့သည်။ နိုင်ငံတော်ငြိမ်းချမ်းရေးလုပ်ငန်းစဉ်များ ဆောင်ရွက်ရန်၊ ၂၀၁၃ အရှေ့တောင်အာရှ အားကစားပြိုင်ပွဲကို လက်ခံကျင်းပရန်နှင့် ၂၀၁၄ အာဆီယံထိပ်သီးအစည်းအဝေးကို လက်ခံကျင်းပရန်အတွက် ၂၀၁၂ ခုနှစ် စက်တင်ဘာလ ၄ ရက်နေ့တွင် နိုင်ငံတော်သမ္မတရုံးဝန်ကြီးဌာနကို ဝန်ကြီးဌာန ၆ခုအထိ တိုးချဲ့ခဲ့သည်။ ၂၀၁၃ ခုနှစ် ဇန်နဝါရီလ ၉ရက်နေ့တွင် သမ္မတဦးသိန်းစိန်က ထိုစဉ်က ပြန်ကြားရေးဝန်ကြီးဌာန၊ ဒုတိယဝန်ကြီး ဦးရဲထွဋ်ကို နိုင်ငံတော်သမ္မတရုံး၏ ပထမဆုံးသော ပြောရေးဆိုခွင့်ရပုဂ္ဂိုလ်အဖြစ် ခန့်အပ်ခဲ့သည်။ထို့နောက်တွင် သမ္မတရုံးညွှန်ကြားရေးမှူးချုပ် ဦးဇော်ဌေးက ဆက်လက်ဆောင်ရွက်ခဲ့သည်။

သမ္မတဦးထင်ကျော်လက်ထက်တွင် ဝန်ကြီးဌာနတစ်ခုတည်းအဖြစ် လျှော့ချခဲ့ပြီး ဒေါ်အောင်ဆန်းစုကြည်က ဝန်ကြီးအဖြစ်ဆောင်ရွက်ခဲ့သည်။

သမ္မတ ဦးမင်းအောင်လှိုင်အစိုးရလက်ထက်တွင် နိုင်ငံတော်သမ္မတရုံးနှင့် "နိုင်ငံတော်သမ္မတရုံးဝန်ကြီးဌာန" ဆိုပြီး နှစ်ခု ထားရှိသည်။

အကြီးအမှူးများ

ပြည်ထောင်စုဝန်ကြီး

စဉ်	အမည်	တာဝန်စတင်	တာဝန်ပြီးဆုံး	ရက်​ပေါင်း	သမ္မတ
၁။	ဦးခင်မောင်ရီ	၁၀ ဧပြီ ၂၀၂၆	ယနေ့အထိ	၃၇ ရက်	ဦးမင်းအောင်လှိုင်

ဒုတိယဝန်ကြီး

စဉ်	အမည်	တာဝန်စတင်	တာဝန်ပြီးဆုံး	ရက်​ပေါင်း	ဝန်ကြီး
၁။	ဦးခင်လတ်	၁၀ ဧပြီ ၂၀၂၆	ယနေ့အထိ	၃၇ ရက်	ဦးခင်မောင်ရီ